البارحه ليلي هجـد صمتـه البـوح=وقامت تقـادح بالضميـر الطـواري
وسهرت اسامر هاجس اليأس والنوح=ومن الضلوع العوج شبيـت نـاري
كلي قصيد . وحزن . وآمال . ومزوح=وأحـلام هددهـا الزمـن بإندثـاري
قلت ابتدأ ليل القهر وابعـد الضـوح=وصبح السعد مالـه بعينـي مـواري
تجبرني الفرقا على البـوح وابـوح=ويسري بي الهاجوس مع كل طـاري
عافت مصابيح الفرج ليـل مشفـوح=اخفى الزمن صبح الفرج من نهـاري
خوفي . يرافق خطوتي وين مـاروح=والصبر طـال وبهذلتـه المسـاري
عشت الخيـال بواقـعٍ كلـه جـروح=وتشابهـت كـل الـدروب بمسـاري
شح الزمان اللي ترك قلـب مجـروح=ودنيـاي مـاردت علـي إعتبـاري
الغربه اللي داخلـي غربـة الـروح=احـس بالغربـه وانـا وسـط داري