|
((((() علامك يادهر ()))))
السلام عليكم ورحمة الله وبركاته اسعد الله أيامكم بالخير والمسرات جميعاً اخواني واخواتي الأحباء بالله المعذره عن الغياب اتمنى منكم القبول لعذري وأهدي لكم هذه المتواضعه والمعبره عن ماتحتوي طيّاتها عسى ان تنال إعجابكم وأذواقكم الراقيه سنا ناري قبستـه مـن سناهـم=امـاري وأفتخـر فـي مبتداهـم اركّـز فـي سوالفهـم واسجـل=وأنا ذاك الزمان أصغـر ضناهـم يا أبو مدح وعزاوي ما أنت الأول=ترى غيرك سرى كان أنت جاهم تحسب إنك سبقت الناس بـدري=مع أهل الخيـل ياشقـرا وراهـم لهم شرهـه وشرهتهـم كبيـره=بعيـد الشـك مايدخـل حماهـم يعيّرنـي قليـل العـرف فيهـم=عقب كبرت جنوبه فـي ذراهـم سلك عن دربهـم درب المهونـه=ردي الحـظ مايلحـق جـزاهـم كتبهـم هافـي الذمـه مسلسـل=ويـوم إنـه كتبهـم ماقـراهـم وإذا صح الصحيح أقول وأشهـد=وسيع العـرف مايجحـد ثناهـم اشوف ارسومهم تسفـي عليهـا=رمال من البطى يالعيـن هاهـم اقدم خطوتـي وآقـف وأناظـر=واعزي قلبـي اللـي مانساهـم الآ ياعـد قـل لـي زاد حزنـي=شقى قلبي تحمَـل مـن شقاهـم اشوف إلهم بقايـا فـي جنابـك=بقايـا دلوهـم معهـا رشاهـم يقطَـع مهجتـي ولفـي عليهـم=أقلـد سلمهـم وأشهـر غلاهـم لكني صرت مثـل اللـي ينـادي=بمهمه يسمـع صيـاح وهماهـم تحيط أبـه الجبـال بكـل يمـه=صدى صوته يزلزل من صداهـم ماغير اديارهـم قفـر(ن) بلاقـع=تنشدنـي متـى خبـري معاهـم وأنا خبري بهم عالـق بذهنـي=لكـن الوقـت ماهـو بالتفاهـم علامك يادهر وش جـاك منهـم=ألومك ليه ماتـكـرم لحـاهـم سواد اجباههـم رمـز الشهامـه=وبياض اوجيههم يحمـي قفاهـم فقـارا مـال وأنفسهـم غنيـه=ولا باعـوا شرفهـم بالـدراهـم اسـأل الله يسكنـهـم جنـانـه=عسى حسناتهم تمحـى خطاهـم وسلامتكم اخوكم عايض المهيمزي |
اخوي عايض صح لساااانك ولا هنت على الرائعه وقبلناها عذرا لك وننتظر منك المزيد
|
إقتباس:
أهلا وسهلا الأخ العزيز مرزوق العجوني صح بدنك من كل شر اشكرك على حضورك ويشرفني مرورك تحيتي وتقديري دمت بألف خير أخوك |
السلام عليكم ورحمة الله وبركاته ...
استاذي عايض تحيه طيبه وبعد ... قصيده جميله وراقيه استفسار بسيط منك استاذي ارجو منك عدم البخل بذلك هل اكرام اللحيه يكون من الزمن ام من الأشخاص انفسهم ؟؟ فأن كانت الأجابه من الزمن فجميع الأناس قد لا يكرم لحاها ذلك الزمن وهي مخالفه لذلك لقول الكثير من الشعراء مكرم ٍ لحيتي ومكرم اشنابها ارجو ان تكون وصلت تلك المعلومه البسيطه ولك جزيل الشكر قصيده جميله وبحر رائع دمت بـــود |
صح الله لسانك قصيدة جميله
|
إقتباس:
وعليكم السلام ورحمة الله وبركاته أهلا وسهلا أخي العزيز شاعر بني عبس أشكرك على حضورك ويشرفني مرورك العطر أما بالنسبه لإستفسارك أنا أتكلم عن أناس أموات أسكنهم الله فسيح جناته فاالأحياء حقا أن الرجل هواللذي يكرم لحيته أو يهينها أما بالنسبه لي فأنا أتصور بأنني أمام الزمن وأخاطبه معاتبا له بأنه لم يقم بإكرامهم وهم أحياء فقد عاشوا فقراء وماتوا فقراء إلا من تقوى الله أرجوا أخي العزيز أن تكون الفكره وصلت لديك وتقبل فائق إحترامي دمت بخير |
يالامير صح الله لساانك ابدعت و أجزلت و ابهرت نص متميز وصعب وفاخر نص أحترافي يحمل الانفة والعزة والعتاب أعجبني ماكتبت وبه تغنيت لاتحرمنا جديدك يستحق التميز تقبلــ جلــ التحيهـــ والسلامــ ذ ي ب ا ن |
هذاء الكلام اللي نقوله ابراهن**** كلمة رشيدين ماعنها الصدودي
قصيده رااااااااااائعه وابداع لاروع منه وصح الساااااااااااااااااااااااااااااانك |
| الساعة الآن +4: 01:24 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
