مايمد الا الكريم و لا يشح إلا البخيل=وتسرج الخيل الاصايل والاشده للمطيه
والاراضي لا ارتوت بالخير فالفايض يسيل=والعطايا من إلاهك وانت تعطي من العطيه
ياسمو الخير لافعالك مع العالم دليل=كل يوم(ن) سيرتك بين المجالس شاذليه
انتقهوى من شذا ذكرك ونلقى له حصيل=الهديه من جنابك والهديه والهديه
كل من مر و نشدته قال هاذي مستحيل=هاذي هاذي من سمو الخير ابو كف(ن) نديه
كيف لا وهو الذي لا قال قوله مايميل=ثابت(ن) مثل الرواسي بأرض تسكنها البريه
انت تعدي بالعطا والجود والبذل الطويل=كل من صافح يمينك هاك صافح في يديه
انت تعطي والعرب تعطي من افضالك مثيل=والعطا والجود من مصدرك والنيه مطيه
ياحفيد الفيصلي وبل المطر زبن الدخيل=وابن عبدالله عريب الساس والنفس الرضيه
العوارض في وجودك حلقت فوق النخيل=خاشرت صدر السماء وسهيل والجدي و قفيه
زنت ياسوق العوارض زينك حر" جليل=يوم جالك طورك مابين ليله وضحويه
ماهو قصور فالبقيه ولا نقلل لو قليل=كل حر(ن)له وجوده والهدد ماهو سويه
بس انت اللي حصدت الدر والشيء الجزيل=انت تفرق في فعولك مايحاليها حليه
باقي(ن) بيت بفؤادي حامي(ن)مثل المليل=واختم ابياتي و اصافح كل عذراء ابجديه
لو مشى معك البخيل يجود ما يدعى بخيل=يصرف امواله عطايا ويتصدق بالبقيه