اشوف ذاتي في عيـون المقاديـر=ويهتز عرشي كل ماشـوف ذاتـي
يارب سامحني علـى كـل تقصيـر=واغفر ذنوبـي قبل حزة مماتي
خبنت مشلـح غلطتـي بالمعاذيـر=وقتلت ذنبي بالدعـا فـي صلاتـي
اهز راسي غيض بيـن المساييـر=ويكش جلدي واستحي من سواتـي
(من الجهل) تو انتبهت اني صغيـر=توي كبرت وشفـت كبـر امنياتـي
من الصباح اعشق صفير العصافير=ومن السوالف(مااعشق) الا سكاتي
امشـط مسافـة سجتـي بالتفاكيـر=وانقش على صخر النـدم ذكرياتـيي
حبيت اخيط لصـدر عينـي ازاريـر=ومن باب عيني لازم ادخـل مباتـي
ولازم ،،اكون احسن من اول وبكثيـر=ولازم ،،اغيّـر كـل شـي بحيـاتـي
لازم ،،اصير بهالزمن ويش ماصيـر=وقبل اغرق اعرف وين قارب نجاتي
لازم ،،اكمّل نص دينـي علـى خيـر=وامشي وادوّر من تطـوّق جهاتـي
ويارب يسرها معي ويـن ماسيـر=من رهبتي باسمك تنافـض شفاتـي
حلمي اشوف عيالي مـن المقاديـر=وبعد العيال اشوف ضحكـة بناتـي
وبعدين اموت وسري بداخل البيـر=والله يرحم كل يـــــــــــــوم بحياتي

اقتباس من مشاركة رشيدي اسطوره (المشاركة 362911) اخوي عبدالله الراشد ماوضحت منقول ولا كلماتك \على العموم الله يحقق امنياتك ويسعدك ويدلك على الخير والخيررره ااااااااااااااااااااامين ولك جزيل الشكر ولاهنت والله لا ينساني من رحمته