العز عز النفس والذل ينداس=وأنا (بدر) وأفهم معاني قصيدي
الخوه اللي برجها طيب الساس=هي مطلبي وانا عنادي شديدي
مخاوي الا من عديمين الاجناس=وبين العرب ربعي هم أغلى رصيدي
واللي يصف الهرج من دون مقياس=ياقع ويذكر عنه علم ٍ زهيدي
وانا قصيدي بين الاجواد نوماس=لامن حضر قالوا كفو يالرشيدي
المرجله ترفع مقامك مع الناس = وقدرك مع الاجواد منها يزيدي
وطيبك اليا من صرت منته قوي باس=ماينفعك الا يزيدك جحيدي
ينفعك لامن صرت طيب وقرناس=حر ٍ اليا منه شهر مايحيدي
والا الرجل لامن تضيعف ترى خاس=ماهو بيمكن جاك علم ٍ اكيدي
ياصاحبي ياللي على الردب منحاس=قلنا توقع مير راسك عنيدي
حنا رجال ٍ فعلنا يرفع الراس=ولامن وقفنا قلوبنا من حديدي
ماهمنا نقال علم ٍ وجساس=لظهرتله دينا قال انت سيدي!
متضاعف ٍ نفسه وبالقلب وسواس=يرمي ويرمي مير عيا يصيدي
شجاع لامنه حكى الهرج بلاس=ووقت المواقف حاظر ولا يفيدي