على موال حاتم ليوسف بن شلاح
 

على موال حاتم لا بقى ثلث وسرى ثلثين
وعرفت إن الحزن يجري مع الدم بشرايينه
سجدت لمن خلق أبوي آدم من سلالة طين
وخلق من آدم إبن آدم ومحبيه ومعادينه
ولهتك يأبن آدم بس وينك يأبن آدم وين؟
إلى مني سألت القلب:وينك؟ رد لي:وينه؟
ظميتك..<لاعدمتك>والزمان لمن ظمى مايلين
وأنا مدري ظماي من الزمن وألا معاوينه
سقيتك من دموعي كل ماجادت به العينين
سقيتك دم قلب مارضى مظمأت مظمينه
ولهتك يأبن آدم والوله في خافقي سكين
زرعته في ضلوعي لين حب القلب سكينه
من غيابك وشوقي حاضر لغيابه المقفين
وألا ياحر نار الشوق لامن غاب غالينه
رحلت ولاتركت لعيني ألا صورة ماتبين
أراها كل حين ولا لها بعين العرب بينه
رحلت ولا تركت لقلبي ألا طعنة الغالين
بسكين الجفاء القاتل ومات القلب في حينه
يقولون الجمل لاطاح صار القوم جزارين
وأنا أقول الجمل لاطاح مايحس بسكاكينه
ولهتك يالعزيز وعز نفسي ساس عرف ودين
وألا ياشين نكران الرفيق ليا كثر دينه.

يوسف بن شلاح