|
أسباب الحزن فيني 0000
كثير من البشر يسأل عن أسباب الحـزن فينـي
وكثير من البشر وده يعرف بدنيتـي وش صـار وعلام اللي يقابلني يشوف الدمـع فـي عينـي وانا توي صغير السن حزيـن وشـارد ومنهـار انا بحكي بقول الحين عن اللي صار فـي سنينـي ولكن قبل لا اتكلم ابيكم تحكمـو يـا اخيـار تعالو واشهـدو يانـاس تعالـو طالعـو فينـي تعالو شاهدوا جسمي غدى ناحل وعقلي طـار انا مانـي تـرى مدمـن ولا ضاعـت ملايينـي وربي يابشـر حالـي سبايـب وقتـي الغـدار تعالو واسمعوا منـي وش اسبـاب الحـزن فينـي وشنهي سبة دموعي وش اللـي بدنيتـي اسـرار يتيمٍ ايه انـا عايـش يتيـم محـدٍ يراعينـي ولحدٍ عني جاء يسـأل وحيـدٍ جالـسٍ بالـدار يتيـمٍ مافـي بالعالـم رحـومٍ جـاء يواسينـي يتيمٍ عايش بحسـره وضيقـه عيشتـي امـرار يتيمٍ فـي نهـار العيـد محـد جانـي ينادينـي يقول لي خذ حلاو العيد زمانٍ كنا فيـه صغـار يتيمٍ صـاح ياموتـي رجيتـك رجـوه تجينـي يومٍ استاذي قال بكره يجـون ابائكـم ياصغـار شهادتكم تـرى بكـره وابوكـم لازم يجينـي بسلمها انا بيده وشهـادة شكـر مـع ازهـار وجاء بكره وجيت امشي ولحدٍ ماسـك ايدينـي ومن أي طالب دخل ماسك بدين ابوه صرت اغار وكنت الاول ولكـن دموعـي كانـت بعينـي نزل دمعي وسط حفلٍ كبير وحاضرينـه كثـار مقصر زادها الاستاذ مـا بـارك صـار يعزينـي شهاده كانت بيدي احسهـا جمـرة مـن نـار ترى هذا سبب واحد من اسباب الحـزن فينـي يكفي يابشـر ولا اكمـل وافشـي الاسـرار ابحكي عن سبب ثاني سبـب زاد الحـزن فينـي حبيبٍ مـت فـي حبـه ولكنّـه طلـع غـدار انا رغم اليتم حبيـت عشقـت بكـل مافينـي عشقت وكنت له وافي واذا اخطأ اجيب اعـذار انا حبيت لي شخـصٍ عشقتـه عشقـي لعينـي وهو حبني واقسم لي بـرب المصحـف الجبـار انا صدقـت حلفانـه وهقيـت انـه بيغلينـي ومثل ماني احبـه مـوت توقعتـه يجينـي بـار ولكـن خيّـب ضنونـي توقعتـه بيحميـنـي توقعته حبيبي يكـون ولكـن صاربـي غـدار اثـاري كـان يتسلـى ووقتـه يضيعـه فينـي وانا اللي أحّسبه يحبني واحسبه حاط لـي مقـدار قطع في طعنته اخـر عـروق الفرحـه بسنينـي وزاد الحزن فـي قلبـي وخلانـي اعيـش بنـار خدعنـي ونيتـه ينهـي حياتـي وده ينهيـنـي وعجزت اخذ بثاري منه حبيبي كيف اباخذ ثـار ومع غـدره وطعناتـه غرامـه ساكـنٍ فينـي ولا ظني انا بنساه لـو اتعالـج بوسـط شهـار عرفتو يابشر هالحيـن ليـه الدمـع فـي عينـي عذرتوني على جسمي عذرتو عقلي اللـي طـار وامانـه يابشـر تكفـون اذا منكـم يلاقينـي لايسألني وش الباقي من اللـي بدنيتـي اسـرار لاني لو انـا بحكـي جميـع اللـي انـا فينـي ياناس عقولكم والله بتلحق عقلـي اللـي طـار منقـــــــــــــــــــــــول |
صح لسانك يامحمد وصح لسان شاعرها ولاهنت على النقل
دمت بصحه |
صح لسان الشاعر
وصح لسان اخوي محمد لاهنـت يعطيك العافيه على النقل الرا ئع |
شاكر لكم مروركم
يعطيكم العافيه |
أخي الحبيب
صح لسانك ولاهنت |
*
* صح اللسان شاعرها * لاهنت محمدالذيابي على نقلك الرائع * * تقديري لك |
نقل موفق لاعدمناك@@@@@@@@@
|
صح السااانك شاعرها
ومشكور على النقل الرااائع والله يبعد عنا الحزن وجعل ايامك افراااح بأفراااح |
| الساعة الآن +4: 08:55 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
