قبيلة بني رشيد - مصافحه اولى ارجووو ان تحوز على رضاكم

السلام عليكم ورحمة الله وبركاته

اخواني واخواتي الاعضاء

اسمحولي اطرح امامكم قصيده بلا مقدمات يكفيني ان اقول انها ليست من وحي الخيال

صـــــــــــــــــــــــــلووووووو على النــــــــبــــــي

في لحظـه فيهـا جفيـت وتغليـت=شفت الحبيبـه يـوم قفـى ضعنهـا

ماتـت وهـي مزعلتنـي وياليـت=ماكنت انـا يانـاس زعـلان منهـا

جتني تقول اخطيت واخطيت واخطيت=جتني كماالمهـره وترخـي رسنهـا

جت تعتذرلي عـن خطاهـا وعيـت=وانـا احسبنـي بالغـلا ممتحنـهـا

اثر العمر لحظات لحظات مااوحيـت=غلطة عمر راحـت وبدفـع ثمنهـا

ندمـان اي والله ندمـت وتمنـيـت=مامرنـي يوم(ن)وانـا بعيـد عنهـا

ياليتنـي ياليتنـي قبلـهـا مـيـت=ليت الزمن فيني وقـف مـع زمنهـا

ياليتنـي فـي ذالغـلا ماتمـاديـت=ولاشفت يوم(ن)فيـه ذايـق حزنهـا

ولاشفت اخوهااللي تحبـه وصديـت=يبكي ودمـع العيـن غـرق كفنهـا

ابكيتني ياغالـي(ن) عندهـا ابكيـت=عين(ن) تراعيها وعيـن(ن) وطنهـا

ياقبـرهـا ياليتـنـي ماتعـنـيـت=صوبـك وشفتـك حفـرة ترتهنهـا

ولا شفت ابيها بمنظر(ن)منه عانيـت=ما شفت ابيهـا يـوم قـام ودفنهـا

يا قبرها وسط الثرى انـت واريـت=اجمـل بنـات الكـون لا تمتهنهـا

ارفق بهـا تكفـى طلبتـك وناديـت=انـا دخيـلـك ياقـبـر لاتغبنـهـا

ماتت وانا عن قبرهـا مـا تعديـت=باقـي عليهـا دام قلـبـي سكنـهـا

تسألني الذكـرى عسـى ماتناسيـت=وشلـون بأنسهـا وانـا محتضنهـا

وســـــــــــــــــــــــــــــــــــــــلا متــــــــــــــــــــــــــــــكم