مرثيه للمرحوم له باذن الله(( عبد العزيز محمد السميح))





عفت النفود وعفت من راح يمه=وعفت الذي يطريه لو كان به زين
يوم الربوع العصر جتني المطمه=هلت على قلبي كما طعن سكين
البال ضاق وخاطري زاد همه=وطال الكرى والنوم ملاق العين
ياشينها ويا كبرها من مغمه=قالوا رحل عن دنيتك ناس غالين
جاه القدر والموت جاله وخمه=وحنا على ماقدر الله راضين
انا اشهد انه ذيب محدن يهمه=لاكن خذاه الموت وناس ممسين
له هيبة عند اشتداد المهمه=اشهد ويشهدله رجال كثرين
كم واحد لاجاه ينزاح همه=من طيبته يحمل مع الهم همين
يارب في جنات عدن تضمه= وتوفقه يالله عند الموازين
وتظلله يارب يوم المغمه=وتجعله يالله بين المسلمين
وختامها صلوا على سيد الامه=نبينا المبعوث هو ناصر الدين