* يااللي دفنتوا جثته ليه تبكوووون *
 

العام بفرحته يعزف لحون ..

. . . . . . . . . واليوم تحت الأرض ماهو بكوني

لكن أنا في فرحته كنت مدفوون ..

. . . . . . . . . فوق الثرى واليوم موته سجوني

سميت قلبي عقب فرقاه ملعوون ..

. . . . . . . . . هو والليالي عن هناه امنعوني

ياليتني ماعشت لحظه بها الكوون ..

. . . . . . . . . وياليت ربعي في سكات اذبحوني

وياليتكم عن همي اليوم تدروون ..

. . . . . . . . .منه انحرمت ومن عزاه احرموني

حتى بوفاته يوم انا طحت مطعوون ..

. . . . . . . . أخفيت طعناتي قبل لايفضحوني

بكيت لكن ماتظاهرت بالهوون ..

. . . . . . . . أبكي وأقول الموت هو سبة طعوني

وان كان في حبي أنا ماتحسوون ..

. . . . . . . . دلوني لغيره وهناك أتركوني

يااللي دفنتوا جثته ليه تبكوون ..

. . . . . . . .لولا الحيا لاقوول معكم خدوني

منه انحرمت وكنت أنا عنه مسجوون ..

. . . . . . . . ماأذكر لمحته غير مره يعيوني

شفته وكانت فرحتي مالها لوون ..

. . . . . . . . . عجزت لا وصف من لمحته شجوني

ياليتني كنت الكفن يوم تمشوون ..

. . . . . . . . أبقى معه بالقبر ثم تدفنوني

أوليتني .. من خلقكم كنت مجنوون ..

. . . . . . . . أتبع خطاكم والعذر هو جنوني

أبكي وراكم وأدعي ان كان تدعوون ..

. . . . . . . . .مايكفي أنه عاش عمره بدوني

تكفون هاكم عمري اليوم تكفوون ..

. . . . . . . . يرخص حياتي دام خابت ظنوني

مافادني صبري ولافادني عوون ..

. . . . . . . . ولافادني دمع( ن )حرق لي جفوني

يامابكيته والبكاء يحرق عيوون ..

. . . . . . . . ميت او انه حي دمعي بعيوني



تحياتي

قصيدة مؤثرة بكلماته قوية في صياغتها,,,

شكرا لك على هذا التواجد الجميل ,,

والى الاماام

قصيده تحمل طابع الحزن

سلمت على هذا العطاء المميز

المغرم اليائس ..
شرفتنا بردك العذب
الف لأهنت
تحياتي

سلمت اناملك على القصيده المؤثرهـ

ياليتني كنت الكفن يوم تمشوون ..

. . . . . . . . أبقى معه بالقبر ثم تدفنوني


ولاهنتي

فعلاً قصيده حزززززينه


ومشكووووره على النقل

وياليتكم عن همي اليوم تدروون ..

. . . . . . . . .منه انحرمت ومن عزاه احرموني

حتى بوفاته يوم انا طحت مطعوون ..

. . . . . . . . أخفيت طعناتي قبل لايفضحوني

بكيت لكن ماتظاهرت بالهوون ..

. . . . . . . . أبكي وأقول الموت هو سبة طعوني

وان كان في حبي أنا ماتحسوون ..

. . . . . . . . دلوني لغيره وهناك أتركوني



قمة الالـــــم والحزن


يعطيك العافيه أنجيـــــد


تقبلي مروري