قبيلة بني رشيد - محاورة راضي غالي وفلاح القرقاح

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

- - محاورة راضي غالي وفلاح القرقاح (http://ban3abs.com/aa/showthread.php?t=2691)

محاورة راضي غالي وفلاح القرقاح

السلام عليكم ورحمة الله وبركاته
اخواني اعضاء هذا الصرح الشامخ منتديات قبائل بني رشيد أهدي أليكم هذه المحاوره الرائعه والتي اعجبتني ارجو ان تنال على اعجابكم وهي بين الشاعرين راضي غالي القعبوبي الرشيدي وفلاح القرقاح القحطاني
راضي:

مرحبا مرحبا بضيوف بني رشيد=عبس واللي عرف عبس يعرف عنتره
يابن ريفه تقدم فيد ولا استفيد=كل شاعر هواجيس الشعر تامره

فلاح:

البقا يالمرحب جعل عمرك مديد=وانت شاعر ولك عزوه ولك مقدره
كل حفله نواجه وجه شاعر جديد=جعل بالامر خير وجعل فيه اخيره

راضي:

مشكلة راشد الماجد وعبدالمجيد=طورت ناس بالتطبيل والجمهره
انت بالساحل الشرقي وعنا بعيد=بان وجه الحقيقه ماعليه اغبره

فلاح:

كل واحد بجهده والكلام الاكيد=ساعة الصفر بطن السيف ولا اظهره
مايجيب الرسايل غير ساع البريد=مير عد التذاكر تذكره تذكره

راضي:

عنتر السيف عنتر وابا زيد ابازيد=اثر الاوضاع خارجت(ن) عن السيطره
مرة(ن) ثانيه والله لاكرر واعيد=وانت موقفك بين الذنب والمغفره

فلاح:

وش يجيب الرياحي للزلامي رشيد=كل واحد سرى وحده على موتره
كيف نرضيك ياراضي وراسك عنيد=تشغل الناس بالفرجار والمسطره

راضي:

قالها ناصر الشغار وابن حميد=جعل ذيل النمونه تاليتهم مره
والله إنا بدو واهل ابل دايم شديد=مانعرف اهل المكياج والبودره

فلاح:

المشايخ يجيبون الحكم والقصيد=واحد(ن) منهم لحاله يضد عشره
يابدو يابدو حطو على القيد قيد=لايساق البعير شعيل للمجزره

راضي:

المشايخ يقولون المجاهد شهيد=وانت منهم ولكن ماتحل اكفره

وسلامتكم

أخوكم: عبدالعـزيز الخــياري