حبيب العازمي=
ابو خد من المكياج يوضي كنـه المشهـاب = يماري بالذلول اللـي بليـا خـرج وشـدادي
وانا والله ماحب الزحرفه والمظهـر الكـذاب =اجيب الراي من راسي واشب النار بزنـادي
سلطان الهاجري=
عليه الله واكبر بالعصا والرمـح والمشعـاب =ونار الحق مشبوبه ونور الصبـح منقـادي
يقولون العرب ماتحمي الميسم بدون اسبـاب = وانا ماني براعي صدفة مـن دون ميعـادي
حبيب العازمي=
هلا يامرحبا يالهاجري واطلع على المرقـاب =ومد الشوف وتشوف الجمال الحمر في الوادي
ولاتنشد ليا ضاعت جمال حمر عوج رقـاب =ترى مالك جمل غادي وانا مالي جمل غـادي
سلطان الهاجري=
يدوم الك البقا والعلم بين الدقـن والاشنـاب =لكن البس ولبسني ثيـاب بيـض وجـدادي
نجوم الليل ياحبيب حسبناها بـدون حسـا=ب وعدينا السنه بشهورهـا هجـري وميـلادي
حبيب العازمي=
تبا تلبس ثياب العيد وتكبر علـى المحـرا=ب وانا واياك فيما فات نحضـر كـل الاعيـادي
دخلت القبه الخضراء ولاتقفل عليـك البـاب =وانا اوحيت المنادي والمنادي دونـه منـادي
سلطان الهاجري=
تحياتي على الحضار واشواقي على الغيـاب =مثل مستور بن تركي وصياف بـن عـوادي
ياسواق السفينه سرها واحذر علـى الركـاب= ترى موج البحر لاهاج يغرق عفش الاجوادي
حبيب العازمي=
ابوزيد الهلالي يعلم ان الرمـح رمـح ذيـاب =ولايقض الطلب هرجه علـى دلـه وبـرادي
سفينة نوح مامونه من التفجيـر والارهـاب =ولوكان البحر موجه يدف السيف من غـادي
سلطان الهاجري=
حقوق الطبع محفوظه عن الدجال والنصـاب =وهداف البطوله ياخذ الخبـره مـن النـادي
الا ياللي بنيت البيـت بالعمـدان والاطنـاب =مايربطنا معك ياكود حـق الملـح والـزادي