يانادر مساعد ( جنون القدر ) هيــــك=وصاحبك رجالٍ بعيدٍ مراسه
ابعد من العصر ( الأشوري ) عن ( البيك)=وابعد من اسقاطات علم الحداسه
آخد ولااعطي بس لاجيت ابعطيك=العلم ... واعرف نضجته من يباسه
ماني لحالي وانت تدري وانا اخيك=بالتفرقه بالمجتمع ونغماسه
بأشياء سخيفه وانت ماهو بخافيك=( بمر الشيوخ ) و ( واسطات الدساسه )
اللي ضمايرهم على مدت الشيك=وبوسة يد الحاكم وكتفه وراسه
وإلا مبادئنا على حطت يديك=نموت والمبداء على ساس ساسه
حفظ القيم عادتنا دون تشكيك=مادامنا رمز الصبر والكياسه
واليا تعثر يا البناخي بناخيك=خذ في يده .. وسند وقوفه .. وواسه
لاتصير مثل اللي .... ( ولاني موصيك )=يجوع للهرج الردي جوع طاسه
ولاتقّرب من بعيد يالنادر اوحيك=صوتك يطير عن خفوقي نعاسه
خل المحبه للقلوب المشابيك=أهلاً هلا فيها ( نعيم ) و ( تعاسه )
الحب ( احلى شي ) لبيه لبيك=ياواصلٍ حبل الرجاء دون ياسه
عش في كياني جعل ربي يخليك=يامرتقي فوق الدنى والدناسه
يكفي وجودك في وإن مت يرثيك=قسيس شعري يا مليك القداسه
انتي مطر ورضي منابت مفاليك=وانتي وشاح الطهر وانتي لباسه
وقد قيل يالنادر ترى الحي يحييك=والميت يزيدك غبن ونعماسه
وان كان شعري مايفك الشبابيك=لابارك الله جزلها والسلاسه

اقتباس من مشاركة ابوعبدالله (المشاركة 302676) الله الله صوت وصدى ولا أروع صح لسانك يابو خلف ولاهي غريبه عليك هذا الابداع في بوحك الشعري صح لسان بن مساعد على الصوت الراقي والجزل جداً وصح لسانك على هذا الصدى الرائع والراقي جداً يابن خلف ولازلنا ننتظر المزيد من الابداع الشعري وبوحك الراقي الذي يرتقي لسماء الشعر الشعبي ننتظرر جديدك الجزل المفيد وفقكم الله