ياساري الليل بدري ساري=بدري على مطلق الحريه
تمشي وماخذت كل اخباري=خذراحتك كلهاسعوديه
عطني اخبارك واعطيك اخباري=بادلني اخبارك السريه
لولاك مااكتب جديداشعاري=انتي سبب هاجسي يابنيه
لومادريبك انااكفي داري إنك فتاة الهواء العصريه
يحق لي يوم فيك اماري=طويلة العنق وسنافيه
مابيعك إلاأكون الشاري=لوإن مابقلبك الماويه
في كل ساعة يجيلك طاري=عزالله إنك لعبتي فيه
تسوقني يمك الاقداري=اقدارماعادهابيديه
محبتك بينت مواري=مدى حياتي لها ماريه
بصمات حبك لهاتذكاري=لك بالحشادروع تذكاريه
واحالي اللي براهاباري=وانتم تشوفونهاعاديه
واقلبي اللي جراله جاري=زودآعلى حالي المبريه
تكفين على حياتي داري=ابك ارحميني شوي شويه
قامت تشتت علي افكاري=احس كنك نويتي نيه
عونك حشيمآوله مقداري=هومنوة الجادل النشميه
سعدك ومهماالزمان انداري=لسنينك الجدب والريفيه
والدردارك ودارك داري=نجديةِ تسكن الشرقيه
عبالعزيزعلي ابوجلوي