السلام عليكم ورحمة الله وبركاته.....

هذه القصيده للشاعر الكبير مسلم بحير العازمي

وحبيت أنقلها لكم للأستفادة وهي مليئة بالحكم والأمثال وغزيرة بمعانيها:

غـاب القمـر والصبـح بـانـت شـروقـه
والعـيـن حـلـو الـنـوم عـيـت تـذوقــه
وبديت قاف(ن) وافيـات(ن) طروقـه
ألفـيـة(ن) والمـبـتـدى عـالــي الـشــان
الألـف:ألــفــت الـمـثـايــل وبــديـــت
ذكـر الله اللـي محصـي الحـي والمـيـت
المـعـتـلـي عــــلام مــاكـــان كـنــيــت
فـي ظامـري وأدعـانـي الـيـوم عمـسـان
البـاء:بـثـنـي لـلـنـبــي والـصـحـابــه
حــــق عـلـيـنـا ذكــرهــم يـنـثـنـابـه
ولامقـصـدي مـــن مابـدعـتـه طـرابــه
يعلـم بـي اللـي عالـم(ن) كــل مـاكـان
التـاء:تـرى مايـبـدع الـقـاف مـرتــاح
ولايضـحـك المفـجـوع حـلـو الـتـمـزاح
ولو يبدعه كنـه طعـام(ن) بـلا أمـلاح
مالـه طعـم يثـر علـى الـحـال نقـصـان
الثاء:ثـمـان سنـيـن والقـلـب مفـجـوع
لاطايـع(ن) غـيـري ولانـيـب مطـيـوع
أسـهـر إلــى إن الفـجـر بــان بـطـلـوع
متـكـدر جفـنـي عــن الـنـوم سـهـران
الجيم:جـار الوقـت والـوقـت مـذمـوم
ولا صفـالـي بالهـنـا مـنـه لـــو يـــوم
جـار الزمـان وبـدل الـقـوم فــي الـقـوم
ولا يذكـر الأ اللـي مــن الـمـال ملـيـان
الجا:حرار القـوم ضاعـت مـع النـاس
الـوقـت عـاداهــم وداس الـــذي داس
وطاوع كثير المال لو هو من الأنجـاس
وعصى بعـض يانـاس ذربيـن الأيمـان
الخـاء:خـوي الطـيـب مـاظــن يـلـقـاه
اللـي ليـا حـدك عـنـا الـوقـت تنـصـاه
أقفـا زمـان الطيـب ويــن أنــت ويــاه
فقـيـر ماعـنـدك رصـيـد(ن) وعـمـران
الدال:دوابي مـن عنـا الوقـت دالـوب
كن الغضـى فـي ماسـط القلـب مشبـوب
عفت الطعام وعفـت أنـا كـل مشـروب
مـن ذا الزمـان اللـي جزانـي بنـكـران
الذاء:ذهـب هالوقـت مـاهـوب صـافـي
نــاس(ن) يغـرونـك بـزيــن اللـصـافـي
والـيـا بحثـتـه بـــان مـاكــان خـافــي
حديـد مالـه مـع هـل الـجـود مـيـزان
الراء:رفيـع النفـس بالـديـن محـمـود
لـو هـو فقيـر يـدرك الـجـود ويـجـود
ولـو تطلـبـه شــئ ولاهــوب مـوجـود
فـي منـزلـه يـوقـف مواقـيـف ديـقـان
الـزاء:زرعــت الـطـيـب والله شــاهــد
وبالعـون ماقـصـرت فــي حــق واحــد
أنـا أحسـب إن الـزرع يثـمـر لحـاصـد
وأثريـه صبخـا مـن زرع فيـه خسـران
السين:سل عن صاحبـك قبـل الأسفـار
قـبـل تـغـرب عــن مـرابـعـك لـديــار
كـانـه عنـيـد ودايــم الـــدوم عـســار
خـلـه تــرى مايبـصـر الـنـور عمـيـان
الشيـن:شـاب الــرأس والـســن تـــوه
مــن ذا الـزمـان الـلـي فـلابـه مـــروه
يالله راعـــــي الـطــيــب يالله قــــــوه
علـى زمـان(ن) شـيـب الـيـوم شـبـان
الصاد:صابـر والصـبـر درب الأفــراج
وأرجـي الـذي منـه المخالـيـق تـرتـاج
أنـه يفـرج لـي مــع الضـيـق مـخـراج
وأجازي الطيب على الطيـب بأحسـان
الضاد:ضحـك الـوقـت لاتنـخـدع بــه
لـو هـو حــلا نـومـك وزادك وشـربـه
الله مــن تـاجــر زمـانــك غـــدر بـــه
خــلاه عـقـب الـمـال مايـمـلـك غـــران
الطاء:طبـيـب النـفـس غـايـة مـنـاهـا
ولاتسمـع الـلـي عــن طريـقـه نهـاهـا
كـم نفـس مـاتـت موصـلـت مبتغـاهـا
أنشـد وتلـقـى الـلـي نظمـنـاه وكــدان
الظا:ظهـر خـافـي ضمـيـري وسجـلـت
قافـي وأنـا مبطـي عـن القـاف ماقـلـت
ولانيـب خـايـف بالتماثـيـل ماعـلـت
والحـق يظـهـر لــه شـهـود وبـرهـان
العين:عـن هــرج القـفـا دوم حــذراك
تــراك ماتكـسـب ورا شيـلـه أمـــلاك
كم من هروج(ن) قطه الهـرج بشـراك
وأسبابـهـا مــن قـولـة فـــلان لـفــلان
الغـا:غـنـي الـنـفـس يـاطـيـب فــالــه
يـقــال لـــه نعـمـيـن يـاجــا مـجـالـه
والأردي الـنـفــس راعـــــي نــذالـــه
لانافـع(ن) نفـسـه ولاهــوب ربـحـان
الفا:فـعـول الطـيـب تـرفــع جـلالــك
ياصـرت طيـب كـل شـخـص يعنـالـك
ولـو مـت فـي وسـط المجالـس عيـالـك
لـو هـم صغـار(ن) مايشوفـون حقـران
القـاف:قـلـت حيـلـتـي وأجـتـهــادي
فـي ذا الزمـان اللـي بـه الطيـب غـادي
عنـدك خبـر ماكـل عـلـم(ن) وكــادي
بالنـاس صدقـان(ن) وبالنـاس كذبـان
الكاف:كم مـن طـاح بالحبـس مظلـوم
وهـو سليـم الـجـوف لاشــك متـهـوم
مـاقـدر المـولـى عـلـى الـنـاس مقـسـوم
ولا لـــك عـلــى مـاقــدر الله عـصـيـان
اللام:لاتبـدي عـلـى الـنـاس خافـيـك
ماكـل مـن يضحـك بوجهـك يدانـيـك
كم من صديق(ن) تحسب أنه مصافيك
وهـو خسيـس(ن) بالمواجيـب خــوان
الميـم:مـالـك عــــن نـصـيـبـك مــفــرا
إن كـنـت فــي جــو وبـحـر(ن) وبــرا
مــاقــدر الـمـولــى عـلــيــك أسـتــقــرا
اللـي خلـق مــن طيـنـة الـقـاع إنـسـان
النـون:نـوح الطـيـر لاتـحـسـب أنـــه
غـنـا طــرب يالـقـرم مـــن زود فـنــه
يـمـكـن مـعـاسـيـر الـلـيـالـي وطــنــه
ماكل طيـر(ن) يزعـج الصـوت طربـان
الهـا:هـنـي الـلــي تـمـسـك بـديـنــه
قـبـل العـمـر بالـغـي تقـضـي سنيـنـه
نـفـسـه لـصـومـه ولـصـلاتـه فـطـيـنـه
هـذاك لـه فــي جـنـة الخـلـد مسـكـان
الـــواو:ودي مـيــر مـاهــو بـكـيـفـي
إن العـرب تمشـي بقـلـب(ن) نظيـفـي
غنـيـهـم يـلـطـف بـحــال الضعـيـفـي
حتى تسـاوى النـاس فـي كـل الأوطـان
الـيـا:يـعــل الله يــقــبــل دعـــاتـــي
حـيـثـه عـلـيـم بسـيـتـي وحسـنـاتـي
والخـاتـمـه صـلــوا كـثـيـر الـصـلاتـي
علـى نبـي(ن) خاتـم(ن) كـل الأديـان

اتمنى ان اكون وفقت في الاختيار وان تنال اعجابكم
ودمتوا سالمين


-----------