قبيلة بني رشيد - شرط لا يصدى ولا يصدي

مره أسير ومرأروح متعدي = وقول من يضرب التاريخ بمثاله
من راح مع طرقة الشيطان مايردي= ومن هجرته في سبيل الله يدعاله
يابن حمد يازعيم الطيب لا عدي = بيت(ن) يزين ذراه ويذرى أظلاله
أفعالهم سيف أحارب فيه وأصدي = ساس الشجاعه وبيت العز ورجاله
ياورث خالي ورث الجد والعدي = حى فال جال (ن) هذاك الرجم يلجاله
ياأسد غابة اسود(ن) سدهم سدي= من هازهم ذاك فال الله ولا فاله
صادق وحيل الثقة ماهو بمنهدى = والرازق الله والطيب على فاله
البحرجيته وشفت الجزر والمدي= ليا فاح قدر الدبور يذوب من حاله
عرفت أن كل مسرع لازم يهدي= وأهل العبيله يعرفون أهل شواله
عندى نظر مثل ماودك مثل ودي = وعرفت ماحد(ن) بتارك أحد في حاله
ياطيب المعرفة ياطيب الجدي = ياراعي المرجله ياطيب القاله
فوزان كبده لهدها الوقت وأن لدي= ورمسيس قد شبع موت شرب فنجاله
بالحق شى (ن) جبين الحر له ندي = لويلزم الصدق راع الكذب ماقاله
يازهرة الياسمين وبزة الفندي = يحلا صدى صوت وأغلا الوقت وماله
أنا شهد أن منكر المعروف متردي= ومن يلتوى في حبال العيب تلواله
مبعد حدوده خوى العيب عن حدي = ماعاد تشفق عليه ولا تمداله
تعال هات العلوم المدي المدي = حنا لنا راية الأمجاد فعاله
يابن محيا عد معنا ودنا نعدي = نبا نعدي أقصار العرف وطواله
أبرتكي وأنت بد اللى تبا تبدي = مبدي الباديه يبدي ويبداله
يااللى تحد الحدود ليا قرب (ن)حدي = يابرق غر السحاب اللى ينشاله
يازندي لطام خد اللى يبى خدي = المدح يزهاك بقفايه والا قباله
المدح قدك وأنا ألبس ملبسي قدي= شاهدك يشهد نهار (ن)توزن أعماله
شاهدك ماهومتعشي بمتغدي = عندك وهو وشو وشى قيمة أعياله
شاهدك يابن محيا يعد ويعدي= وشعيل حمله تثور وتبرك جماله
يابن محيا ياعقب وياخلف جدي = يفداك عرفي وخدامه ومرساله
نهيت قلبي وعيا يطاوع مصدي = بيد يديني بمغساله وغساله
ماني خلى العيوب أخطي ومتقدي = يرثا لحال الشعر مرقاب يرثاله
عقيل أعده وهو ودي وأنا ودي = وده معدى العلا يزهى المعداله
ياأبن محيا كيف أمد الشوف ما يمدي = شوفي يبى شوف مصطور (ن) يمداله
شوفي يبى شوف مصطور (ن)ليا مدي=يطوي لي البيت بأعمدته وبحباله
ياورثتى من حلال الخال والجدي = ياورثة النايف اللى ورث أعياله
كانك من الدرب يوم تمر مستدي = فداك كل الدروب اللى ورى طواله
أما الذهب شرط لا يصدى ولايصدي= لو يندفن بالثرى ماخف مثقاله
وعتاد وأعداد حرب لكل مرتدي = لو يمنعوني هجار أبعير وعقاله
والحبل بالسانية يجيب ويودي = والدلو بالجم والطرفان شلاله

أخوكم الشاعر / فوزان بن عوض بن حمد