مساجله بين مسلم الحمد الجلادي ونجا الرشيدي
 

قــال الشاعـر/ مسلم عـبـدالله الحمـد الرشيدي هذه القصيده
مخــاطـبا فيها نجـا مفلح بنيان الـرشــيــدي
-------------------------------

يـالله يـالمعـبود يـاعـالي الــشــان = تجعـلـنـا يوم المواجــه كـرامــه

يــاحـي يـاقـيـوم يـاوال الاحـسـان = بيديك مفـتاح الفـرج والسـلامـه

العـبـد يـذنب وانت للعبد مــزبـان = ولاخاب عبدن يطلبك في مرامـه

اجعـلنا في ماقـف الحشربـرهــان = يارب عفـوك يوم هـول القـيامـه

واجعـلـنابـالقـبرجـنه وبـســـتــان = لياتساوى الجسم وابطـى منامـه

ويالله بهـالـدنياسـعـاده وغــفـران = رجاي يامحي الوطن من غمامه

محي الهميد اللي من الوقت تلفان = قشرالسنين اللي تقافت عوامه

مــدات جـودك مـــاتـقــدربـميــزان = والسـرعـند للـي عـليم بنظـامه

ومن بعـدها سلام من قـلب ولسـان = للصاحب اللي يستحب احترامه

سـلام يـافــرزالـــوغـى يـابليهــان = سلامن احلى من بساتين شامه

يـاكاســب الطـولات يـابن بـنـيـان = يامالكن نوط الشرف والشهامه

شـرفـت يالصنديد حفـل الجـلادان = عيال الفهود اللي تفك الجهامه

لعبت بالعـرضـه وجـريت الالحان = وفـيت بالواجب فـدتـك الملامـه

ولاهي غـريبه منك ياطيرحـوران = ربعك بني عمك حزامك حـزامـه

مثلك يجازى بالوفـاء ياكحـيــلان = لانك حملت الطيب بارفع وسامه

تستاهل التمجيد هـرجن بـوكـدان = شاعـركريم وتستحق الـزعـامـه

ياشوق من خده مثل برق الامزان = والاقـمـرخمسة عشرفي تمامه

كامل حسن بالـزين مافـيه نقصـان = عليه من ريم الجـوازي علامه

عــقـلـه رزيــن ولاتهـيـالمـن كــان = بنت الرجال اللي رفيعن مقامه

الله يـديمـك يانجـا طـول الازمــان = ياللي صعدت المجد باعلا سنامه

واسمح لنا واكفيت من كل شيطان = من شرلوعات السنين وظلامه

وختامهـا يافـارظـن خمس الاركان = يـالله تجـنبنا طـريـق النـدامــه

وصلوا على المبعوث في كل الاوطان = على النبي الهاشمي في ختامه








الشاعر/ نجـاالـرشيدي يـرد بهـذه القصيده
على الشاعــر/ مسلم الحمـد الرشيدي
---------------------------

بديت في رب الخلايـق والاكـوان = سبحـانه المعبود فـارض صيامه

منزل كتـاب الحـق للناس تبـيــان = والمومن اللي يهتـدي في كـلامه

مـذكـوربـأيـاتـه مفـاهيم الايـمــان = مفـرقـن بـيـن الحـلال وحــرامـه

جل وتعالى خـالق الانس والجــان = مصورالانسان كاسـي عـظــامـه

عـظيم شـان وبالمخـاليق رحمــان = اللطف بعبدك يوم يلبس حرامه

عفوك ولطفك يوم روغات الاذهـان = يوم البشرمثـل البحـرباللتطامه

علـــى ســراطـك بين جنه ونيــران = وكلن على اعماله يحصل وسامه

تجـعـلـنا فـي جـنـة الخـلـد مســكـان = وتامـرلنا فـيهـا بطـول الاقـامــه

يـاحـي يــارحــمــان يــاخـيـــرديــان = ياعازلن نور الضحى من عتامه

غـيـرك حشـا مافـيـه قــدره وسلطان = مهابتـك تخضـع لهـا كل هـامــه

عـليم تعـلـم كـل خـــافـــي ومــابــان = بامرك عمار الكون وايضا هدامه

ودنيت مصقـولـن مـن الحبـرمليــان = وكتـبـت للي خصـني في سـلامـه

سطـرت به مالاق من حسن الاوزان = اخـذ سمين القاف واتـرك هلامه

دونـت بــه مـن مـاطــرالـي ومــازان = اترك هـزيل الهـرج واخـذ زمامه

ويامرحبا ترحيب مخلص وشـفـقــان = تـرحيـبتـاً معهـا وفـاء وابتسامه

اقــولـهــا مـن خـاطـري ســروعــلان = تحـيـتـاً عطـره بـكل احـتــرامـــه

بـرسالتن جتــني عــزيــزه لهـا شــان = عـندي لها قـدروغـلا واستقـامـه

مــن كـف كسـاب المـراجـل قـهـيــدان = عــرفـت مقصـوده وغـاية مرامه

مسـلم عـمـيدالطـيـب للمجــد عـنــوان = الطيـب ساسه من ابـوه وعمامه

عـنـدي مسـلم لــه معــزه ولــه شــان = ياسعـد منهـوبالمـواقـف حـزامـه

تـرثـة قـرومن يوم الاكــوان فـرســان = يوم القبـايل بـيـن حـرب وقـوامه

تـشهـدلهـم وقـعـة طــوالــه والاتـيــان = تـوجـدلهـم فـيها رسـوم وعـلامه

وسـناف اللحم يشهد بصولات الاظعان = ثـارت بـه لهيجـا وطيـرعسامــه

ثــنــو وراء عـشــوا وحجـبـا وعـليـان = واصبح معـاديهـم يجـر انهـزامه

يـبقـى لهـم تـاريـخ مع طـول الازمــان = يبقى كما تبقى على الوجه شامه

وصــــلاة ربـــي عــــد مـــاهــــل ودان = عـلى نـبـيــاً شــرف الله مقــامـه

23232bani-3abs

مشكووووووور يابو فيصل

انت شاعر متميز ولك ابصمتك الخاصه

صح لسانك يانجا وصح لسان مسلم ولا هنتوا على الرائعه وتقبلوا مروري

لاهنتم ماهي غريبة عليكم معاني ومفردات رائعة 0000000000من القلب شكرا لكم(مهدي البراك)

صح لسانك



تقبل مروري




الشقاوي

الاخ ابراهيم الرشيدي شهاده منك افتخرفيها وتبقى وسام على صدري و مرورك يشرفني وينير متصفحي لاهنت

الاخ مرزوق العجوني صح بدنك يالغالي ولاهنت مرورك يشرفني وينير متصفحي