جعل الاجهر ماتجيه الصدوف ابها الحياه =ولا يمسه من عنا الوقت والدنيا صدوف
ياعساه بحفظ ربن تعلا في سماه = واحدن بامره اليا من ومر يغني ضعوف
من يعرفه قط مايوم بالموقع شكاه = من سلايل عبس ولا من الناس الضيوف
عل يقض العمر بامان مع خير وغناه = ولايشاهد في حياته صعيبات الضروف
بعد هذا فيه مطلب لعمدتكم يباه = تصير من حزبي هل الجود مرويت السيوف
خل حزب النصر وعضاه لاتمشي وراه= مابقا منهم سوى ثنين والشيخ معيوف
انحرف معيوف معهم عسا المولا يهداه= قلت انا صاحبك الاول وكنه مايشوف
كوكه ناصر صويان وجتره معاه = قال انا عندي جنودن تحسب بالولوف
والجنود بعير مع عنز مع خمسة اشياه = والفحل تيسن منوفس اليا جا الماء عيوف
قول تم الناس تعطي لمن ربه عطاه = لب مطلب عمدة الحي تكفا لايطوف
وانت من ربعن لهم بالقاء وجهن وجاه= مجدهم مكتوب عندي قبل عام الكسوف

اقتباس من مشاركة ناصر الشويلعي (المشاركة 274001) قصيده طيبه من وجه ٍطيب لكن الاجهر ماهو اللي ينلعب فيه بالقصيد هذا عصابة راسي وان تخلى عني على الدنيا السلام لكن الركد يالعمده وخلك من ابو ذيل الى الجحش هولا هم اصحابك اللي تلعب فيهم وتوردهم المهالك ههههههههههههههه

اقتباس من مشاركة مرزوق العجوني (المشاركة 274032) ههههههههههههههه صح لسانك يالعمده على الرائعه وعلى المطلب الرائع وعسى الاجهر ينضم لحزبك تقبل مروري

اقتباس من مشاركة خلف العايضي (المشاركة 274082) صح السانك يالعمده ومنا الي الأجهر والاجهر شهم بالتأكيد ماراح يردك