من هجوسٍ فجرن سد مذخـور الخزيـن=لاتعلـن وادي الشعرحـدٌر فـي مــلاه
فيضـن نهرالجزالـه وميطـان الثميـن=وافره يثبت وجـوده وعشـر بمستـواه
يوم اقولـه لاتكبـر ولاقصـد استهيـن=ولايهضم حقوق الاجواد رجلٍ بـه كفـاه
إيه مثلي مثل مـن بالقصايـد مبدعيـن=كل رجلٍ في حـدوده يسـاوى باحـدداه
ما لاحـد منـه بمـدة ولـي العالميـن=موجـد المعـدوم رب البدايـه والنهـاه
له حنيت الراس ساجد ولميـت الجبيـن=ارتفعله في خشوعي ووجهي فـي ثـراه
مومنٍ ميقـن والايمـان زاد المومنيـن=إن رب الخلـق واحـد ولاربٍ ســواه
البشرتخطـي وخيرالعـبـاد التايبـيـن=ومن هداه الله على الحق يخشى من هداه
ياقصيدي والمشاريـه صمـت موحديـن=والعيون تلدٌ والصـوت يسدالـك صـداه
للقبيلـه حــق والاولــه للأولـيـن=من سلايل عبس الاولى لك اولى با لولاه
كلمـا عقـب مهيمـز لـك وللأقربيـن=من تشره حق تزعل وترضى من رضـاه
ياقصيدي من تعود علـى شـط السميـن=ماتنـازل للهزيـلات لـومـات بـقـواه
ومن تروى سلسبيل النهـور الأعذبيـن=دونهن لويشرب البحـر مايقطـع ظمـاه
وأنت لك مني مثل ماعليـك بكـل حيـن=من سماة الدين الإنصاف ياحي الصفـاه
حقك إنـي ماتلحـق عـروض الغافليـن=لين نفسي من جسدها تفارقهـا الحيـاه
دام دون الحلق فرجه وتدفعهـا اليديـن=أدمـح الزلـه ولاكـل أجازيـه بخطـاه
وكان ماستوعب تغاظي وغـواه اللعيـن=طاع شيطانه ونفسـه وثالثهـن هـواه
وقام خيال السعـاوي صحيـف الريتيـن=أطلس المله بشوفه وقلبـه فـي عمـاه
وقتهامالك مهونـه مـرد الصـاع ديـن=ثارنا ماضـاع مطلـوب والطالـب وراه
إيه هذا حق واجـب وحقـي فيـك ليـن=دام تعلـم ماخفيتـه وناعلـم ماتخفـاه
هكذا طبع التوالف مع أصحـاب اليميـن=وإعلـم ان الله الياقـرب المومـن بـلاه
مرحبا بعيال عمي هل المجـد الرصيـن=تاج راسي في رخا الوقت ولا في قسـاه
عزوتي مصدر طموحي غمـاد الكفتيـن=درعي اللـي بعـد ربـي يذرينـي ذراه
والله إنـه فـي ذراكـم ليبطـي مايليـن=جانبي لوقاسي الوقـت للقاسـي حـداه
دام فيه مهيمزيٍ علـى أرض المشرقيـن=عايـشٍ فالمـدن ولا بريضـان الفـلاه
دون حقـران السمـوه كعـام المعتديـن=كـل عبسيـن ينومـس رفيقـه لانخـاه
واجبي والحق يرضي نفـوس الغانميـن=يوم أمجد فخذ ربعي قبل شمـل السمـاه
ماطلبوا مني ومن حمـد ربـي مغتنيـن=طيبهم كـل المدايـح تقصرعـن مـداه
أهل الفزعـات وهـل الشعـار الثابتيـن=لهجة المنشى ومضهـر صناديـد البـداه
شانهم رمزالشهامـه بوجـه الفالحيـن=والسلوم العاربه فـي مهامـزت الكفـاه
خير من يافون وأخير ثبـوت الصادقيـن=خير من عكس المضاهر وترويج الدعـاه
وخير من عاشوا تواضع عن المتغطرسين=وخير من صانوا حقوق المقفي في قفـاه
وخير ناسٍ للمبـادي وأهلهـا حافضيـن=الشهود اثنين والزور في كتـب الـرواه
وخيرمن يملى عطاهم يديـن السايليـن=من تنصاهم عن الجوع يبشر في عشـاه
كم حدت قبل أمس حيلة مقليـن اليديـن=الليال الـدور والوقـت مايومـن جفـاه
وذكرولـه ليننيـن الجنـاب الصامديـن=يوم فوقه نوخ الفقر فـي وسـط اقربـاه
بين قل وبن جفـوى الربـوع البايريـن=انعمس باله وحيل الدهرحل حلـل خفـاه
وستجاربقـوت اللـي يجيرالجايـريـن=ثم جيرة جانب اهـل المـروه والحمـاه
طبعهم يفرض عليهـم حمـاة الملتجيـن=كم فقيرٍمنعطاهـم سكـن بـرج الغنـاه
قبلهم مالـه مكانـه ولاحصـل عويـن=وعقبهم طالـة زنـوده وزازوه اصدقـاه
وصاريحسب من حساب الرجال المغتنين=وكل مصلحجي على محنتـه صدونسـاه
ادبـرويـوم ادبرتـبـه وقفومدبـريـن=واقبلويوم اقبلـت لـه وعـادوه اخدنـاه
ورفعوبـه للخضيـرا وطـاع الناقصيـن=الردي شـب الردابـه وشيـب فـي رداه
انكرالمـعـروف وكبرعداناالمنـكـريـن=جاحدالمعروف عـادي يسـوي هاسـواه
عيبنابيـض النـوايـا ظميرلصادقـيـن=الوفي فينـا وراع الوفـي نعلـن وفـاه
وكان طيب اقلوبنا عيب فـي دنياوديـن=عـادة المفلـس رديـه وملعونـاً ثـواه
التصافي والتناصـح سمـاة المسلميـن=والخيانه من صفاة النصـارى والطغـاه
ون تحين فرصتـك لـردى ياباالحصيـن=لايمرانظـار الانصـارتـراك الـصـلاه
ونت ياللي نظرتـك للعبادابنـص عيـن=مانت بالماضـي ولافيـك بالحاظركفـاه
املس الغارب تخفـى تحسبنـك ذهيـن=ونت مثل اللي عكس جرته وصبح مساه
سحب صيفك لوتبارق رقـاق بلاغشيـن=تستعيراسمن عن اسمك وتشهق للبـراه
لن مالك بسمك الصـل وصـل الطيبيـن=الردى تلبس ثيابـه وسـرك فـي خبـاه
تمتطي صهود بغـل جدابـوك الله يعيـن=واقعـك مالـك عـنـه لامفرولانـجـاه
والله انـك لوتعلـى سنـام الفرقـديـن=غيريحدرك ابيض الصدق وديـرك رحـاه
ون سرجنا جزل الامثال نطعن بااللوتين=وعن طقوس اسحرموسى مورثناعصـاه

اقتباس من مشاركة خلف العايضي (المشاركة 273081) العلم الشامخ . . . سهل نافع صح السانك على هذا الابداع . . . الذي تعجر الكلمات عن التسطير تجاهه انت فخر للشعر يابن نافـــــــع . . .وقصيدك يسمو للمجد تقبل التحية والتقدير