تمر أيامنا لمحة بصر واللاحق الملحوق = على الدرب الطويل توقف الرجلين مجبوره
أسولف لك عن الماضي كذا والزمان يسوق = مقاديره على الساعات والأيام وشهوره
على ماضي غلاك يهيّض الشاعر وأدك النوق = يالين تحط فرياض اللقاء وتحن لشعوره
تحايلتك مثل حلم وتعديت الخيال بروق = وأنا أصب الرجاء في كاس حزني وأشرب مروره !
أكذب فيك صمتي وازرع البسمه على المنطوق = عسى يصدق خيالي معك والأحزان مقبوره
على وصلك سكبت الدمع وأشبعت الضلوع حروق = من الونة اللي كل مابعدت مقهوره
لكني مابغيت اشره على العاشق ولا المعشوق = ولا شاركت نفسي في غياب الطيف وحضوره
أعدي كل علمٍ من وراه الياس لين أروق = وأحضر مامضى وأعيد نفسي للورى دوره !
أعيد الذاكره لأيام وصلك وأبتديك شروق = وأغني على موال قربك وأبني جسوره
نثر وبلك على قاع الحنايا وأرتون عروق = بعد كانت فياضي ممحلة والأرض مهجوره
نبت لك تحت صدري شوق وأخضرت غصون الشوق = حيابك يابسي وأختاط جرحٍ يدك دكتوره
يحلق في سماي الطير والأفراح ترقى فوق = وأنا أشوفك على حد النظر بالصوت والصوره
طرالك شي من صوب الحبيب وجيت فن وذوق = تلقفك اليدين وكل خطوه منك مشكوره
بنيت لك الغلا من ساس وأغلا مايطب السوق = من أصناف الجواهر والخساير مهي مذكوره
يخيلي غلاك أنك معي يالجادل المنتوق = وأحط بين ريضان الحشا والدار ممطوره!
لوني دارسٍ وضعك سنه , والزمان يسوق = مقاديره على الساعات والأيام وشهوره !!

اقتباس من مشاركة خليف الوهيداني (المشاركة 270444) تمـر أيامنـا لمحـة بصـر واللاحـق الملـحـوق على الـدرب الطويـل توقـف الرجليـن مجبـوره أسولف لك عـن الماضـي كـذا والزمـان يسـوق مقاديـره علـى الساعـات والأيــام وشـهـوره على ماضي غـلاك يهيّـض الشاعـر وأدك النـوق ياليـن تحـط فريـاض اللقـاء وتحـن لشـعـوره صح لسانك يابشير قصيده شامخه كشموخ شاعرها لله درك ووفقك الله