هات القلم بكتـب جزيـل المعانـي=ال شاعر (ن) يسبح بحور القوافـي
ابني بيوت الشعـر مثـل المبانـي=امشيـده مافيهـا عـوج انحرافـي
هاجوس شعري بالشعر ماعصانـي=وسجـل الابيـات والبـال صافـي
شاعر ولا حسبت جـور الزمانـي=شاعر مـع شعـار بالقـاف وافـي
يا بحر انـا ويـاك والعمـر فانـي=وستر رب الناس بالكـون ضافـي
انت الجدي وانت سهيـل اليمانـي=انت الجزيل الـي يحـل الخوافـي
يا صاحبي فات الزمـن والاوانـي=جهز جيوشك وانت رجل (ن) سنافي
فـي ساحـه الميـدان لا لا تعانـي=خلك شجيع (ن) بالمواقـف تشافـي
انت وانا ومعنـا طويـل الاذانـي=يا زينهـا زينـاه والكيـف كافـي
ويفزع ابو تركـي لخـوه اليمانـي=ونحمي المواقف بالسيوف الرهافـي
هذي رساله جـاك منهـا البيانـي=يا شاعر (ن) يسبح بحور القوافـي

ياسعد يوم القاف منـك لفانـي=فزيت له سرعه ورتبـت قافـي
يالشاعر اللي بالقصيده دعانـي=ابيوت جزله ماعليهـا اختلافـي
ابشر بسعدك ماخسر من نخاني=هذي تواقيعي وهـذا اعترافـي
لو ولعت من كل قاصي ودانـي=وانا بجنبـك ياسعـد لاتخافـي
مثل جبال طويق ثابـت مكانـي=لو عودت سود الليالي عجافـي
وان كانها بالشعر ماني جبانـي=تلقا البحر في كل ميـدان لافـي
جزل البيوت اللي نطقها لسانـي=يكفيك عن قول الصقر والخرافي
نرقى سنود ولانحـب الطمانـي=وهذا عن العربان ماهو بخافـي
وشعار عبس معربين المجانـي=سراجهم بالمجد ماهـو بطافـي
ياما اتحفونا من جزال(ن)اسماني=ماهي من بيوت القصيد الخفافي
وصلوا علـى نبينـا ياخوانـي=اعداد من لبـى بمكـه وطافـي

اقتباس من مشاركة عبد الرحمن خضير (المشاركة 253609) الله يعطيكم العافيه ياسعد الشقل و بحر الخليج قصايد جزله من شعرين لهم باع طويل ولكم خالص الشكر وتقدير