هذي بداية تجربة رحلة الهام= هذي بدايتها وهذي فتاتي
بحلام شيخٍ مات ماحقق احلام=عزالله اني عشت كل امنياتي
ابحرمع التفكيرواسج الأ قدام= واجمع شتات افكار حلمي لذاتي
احيان ارز اعلام واحطم اصنام= واحيان اعد خيولي المسرجاتي
احيان اعيش بعالم اشباح ووهام=واحيان مدري وين جيهة حياتي
احيان افيق شمام وارد بشمام= واحيان واغلبها اتعمّد بياتي
احيان اظيّع في متاهات الارقام= واحيان مدري وش قريت بصلاتي
مرّت علي ايّام وايّام وايّام= مدري جمعت الفقر مدري غناتي
دامي بفضل اللي كفل رزق الايتام= منزل ثجاج الماء من المعصراتي
لامصاحبٍ فاسق ولا قاطع ارحام= ولا مرافق اللي يقذف المحصناتي
طويت رحلة عام في مطلع العام = وحفظت درس لعشرة اعوام تاتي
هنا تجد مكتوب مقفول بأحكام= عفواً هنا مغلق وما فات ما تي

اقتباس من مشاركة موسى بن سيار (المشاركة 249247) الشاعر حجاج العريض صح السااانك مليون وعلا شاانك ملايين علي هذا الأبداع الجميل ... لاتحرمنا من جديدك اللي الصراحه يشرح الصدر ... لك خالص احترامي وتقديري

اقتباس من مشاركة ابو فهد (المشاركة 249255) صح لسانك قصيده طيبه