|
خاطرة أبكت 500 طفل ..
إماراتية لم تكمل عامها التاسع فقدت كل فرحة وكل أمل مع فقدانها والدها في حادث مروري عندما ألقت هذه الخاطرة في مهرجان أبكت 500 طفل معها يابيــه ... عمري ... حبيبي لا تأخر أبي ترجع قبل ماأنام أبي اتلحف حنانك في تصبحين بخير مع بوسة على خدي ...... يبـــه وانام وقبل ماانسى يبـــه اســـــــــمع ابي دفتر رسم أحمر وابي أقلام للتلوين وابي فستان .... مثل لون الشموس أصفر وابيك انت تلبسني تحمل يبه أرجوك تمهل يبه أرجوك شوي ... شوي ..يبه وينك ؟ تعبت أنتظر تعبت اتخيل ايدينك يبه وينك ؟ تعبت أسأل زوايا البيت تعبت أسئل ثوبك المكوي تعبت اشم عطرك واحضن غيابك تعبت أكذب على دمعي وارتب عيني وثيابك يبـــه وينك ؟ ألف الدار واتذكر هنا يمشي ..... هنا يجلس .... هنا يضحك .... يبه وينك ؟ ويقطع حزن هالأفكار باب الدار واصيح بصوت واتحشرج ..... منو بالباب ...منو اللي دق هذا الباب أنا ماابي لعب .....و أقلام انا مابي هدايا انا مابي اشوف اصحاب يبـــه وينك ؟ يبه يرضيك حالي الحين كرهت المدرسة والدرس ولا حد فيني حس تذكرني بغيابك شهادتي ... ومعلمتي ... وباب المدرسة والدرس ... اصحابي وعلاماتي يبــه وينك ؟ كلامي يبه حارق كلامي مر وأنا أقرا في الدفاتر هنا (يوقع ولي الأمر ) مين لي فرحتي تتكحل بعينه وضحكاته يبــه ... وينك ؟ نجحت وتختنق فرحة وسط صدري تجيني الناس وتبارك وهذا الحزن بي حارث ولاتدري أني يتيمة والسبب حادث مؤلم جداً |
بــــجــــــد محزنه
مشكوره اختي تقبلي مروري |
الله المستعان
الله يعين التيم ونسئل الله ان يعوضه في من فقده من يحن عليه ويرحمه ويعوضه عن حنان الوالدين صج قصه حزينه ومشكوره وتقبلي مروري |
الله يرحم ابوها .. وكل اموآت المسلمين ..
ويعيين كل يتيم .. الكمآت بسيطه جدآ .. و مؤثره بنفس الوقت . عوآفي ام جوآنا |
أم جوانا :
الله يعطيك العافيه .. و يعوضها عن حنان أبوها .. و تقبلي مروري المتواضع مع كل التقدير ...أختك : حنان الرشيدي |
مشكوره اختي
|
احبتي عبودي الجنوبي والعيونك واحلى رشيديه وحنان الرشيدي وابو عبد العزيز اسعدني مروركم الكريم |
من جد صراحه محزن
الله يعوضها عن حنان ابوها يعطيك العافيه |
| الساعة الآن +4: 04:13 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
