اول اليل يلي ماتخون القوافي = هات علمك وخذ مني علوماّ جديدة
انت شاعر وتحفظ من قصيد النصافي = والك جولات حزات الملاقى عديدة

اول الليل وانته فاهمـن يالسنافـي=بعد ماخابت الهقوه وراحـت فقيـده
ودي اسري معك والعلم كله عوافي=سرها فوق راس الضلع ماهي بحيده

اول اليل نسري واكثر الناس غافي = المساليك سنعه والمقضب جويدة
كان بتال يصبر لو مشى الرجل حافي = صفقي يانوال وزغردي يافريده

بان دربك وشبت نار هاتو مطافـي=ياعسا ناصر محيا يكـون الوليـده
والله اني معك ماشي وانا رجل وافي=وانت رجلن حميد وفيك ميزه حميده

كان شبت تبى تشرب من الكيف صافي = كيف ناساّ لياقالو ريئاهم سديده
وانت وافي وربك عالماّ بلخوافي = وكل وافي يعرف الي يبى منه سيدة

لا تروع تراهـا سالمـه لاتخافـي=دام بتال قايدهـا بتكسـب مجيـده
انت رجلن حكيم وتشرب الكيف دافي=ويش رايك ليا طقت حديـده حديـده

مرحبا فل مجيدة ماتقصر وكافي = مقدر اوفي جميلك عند مثلي بعيده
وكان طقت حديده حد سيفك رهافي = الك مني شهاده واليالي مديده

حلو زولك تراوغ ذابحتـك السوافـي=والمجيده عزيـزه بالعلـوم الأكيـده
راس الأحرار وافي راس الأنذال هافي=ميز الأوله والروس روسـن عنيـده

انت لا تطري المرواح لاجيت لافي = العزيزه عزيزه لين تصبح مريده
لاتلفظ بغير اخلاق والهرج شافي = وكل طالب يحصل له دروساّ مفيده

علم الأرصاد قالو بالنظـر مايشافـي=وانت راسك عما وشلون تقرا جريـده
اعرف اني سعيت ومعك اكمل مطافـي=وانت ودك تصيد ومير صرت انت صيده

علم الارصاد صرح مصدر العلم نافي = واهل الحسد دايم يصنعون المكيده
جمل الله حالك وانت الك ستر ضافي = بلعلوم القديمه والعلوم الجديده

قالو الطـق فالميـت حـرام ويعافـي=وانت راسك جزل وتحب لحن القصيده
هاك مني وساده هـاك منـي لحافـي=شينها لكن اصبر دام نفسـك بليـده