قبيلة بني رشيد - شاعر من بني تميم يذكر فزعة بني رشيد

الشاعر قبيل محمد التميمي من اهالي قرية ضرغط يذكر فزعة بني رشيد ويصور نخوة وإقدام فرسانهم ومنهم الفارس عتيق بن عدوان الرشيدي ويمد الشيخ بداي بن حمد القلادي الرشيدي بعد معركة وقعت على اهالي ضرغط وهبو ابناء بني رشيد للدفاع عن جيرانهم .
ومما يجب ذكره أن بني رشيد ((جمرة القبائل )) عُرف عنهم منذ القٍدم ((الحميٌا)) والفزعة لجيرانهم والذود عنهم ، وكانوا ولايزالو مضرب المثل في الوفاء والمحافظة على حقوق الجار، وهناك العديد من القصص والقصائد التي تؤكد ذلك ، والقصيدة التي بين يديكم تتحدث عن بعض من خصال بني رشيد الحميده وهي من القصائد القديمة والقيمة ويقول:

الله مـن قلـب ٍ بهمـه حزيـنـي=من كثر ماتطري علـيٌ الهواجيـس
والحـق ماتمحـاه غبـر السنينـي=عطنا القلم ودنو علـيٌ القراطيـس
واكتـب جوابـي بالقلـم ياجنينـي=وارسم حروفي للسنيـن المراميـس
عتيق بن عـدوان طلـق اليمينـي=قرماُ على العاني يحوش النواميـس
خلا عـدوه ينجضـع لـه ونينـي=عقب العيا يمشي مع الدرب ويكيس
عقـب العيـا وملاوعـة للهجينـي=جرحه عميق من سلاح الفواريـس
وبـداي بالقـوات يـرو السنينـي=ويلبس من البيضا هدومـه تلبيـس
ومن لاذبه عـده بـراس البطينـي=في راس عيطا عن هواف الرواميس
ربعا علـى سلـم العوانـي تبينـي=ماهو من اللي صار وجهه تفاليـس
اللـي يـذودون الرمـك بالعرينـ=يلوجن دكـلات السبايـا كراديـس
وعدوهم لو قيـل ضلعـه متينـي=ماهمهم لو حـط دونـه حراريـس
ولاوهني من حطهـم لـه عوينـي=ولتاذ بكحيلان عن غايـط السيـس

منقول من كتاب صور واشعار بني رشيد ،تأليف /ناصر العجوني الرشيدي
.