قبيلة بني رشيد - مطلق الثبيتي مع عبد الله المسعودي

مطلق الثبيتي مع عبد الله المسعودي

مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي

سلامي على اهل الحله اليلها شانٍ(ن)رفيع
وحنا نجيها فـي ليـال الفـرح ونرودهـا
لياجيت في سوق التجاره لابد اشرى وبيـع
ولا اكفاء حياض العد من يو شفت اورودها

عـــــــــــــــبـــــــــــــد الـــــلـــــه الـــــــمـــــــســـــعــــــــــودي

هلا مرحبا ترحيب يضفي على روس الجميع
سوات الدوى لا قلوب بعض العرب وكبودها
كبار السوالف وايقت كل ضلع وكـل ريـع
وعيال الحلال اليا محـل الحيـاه اتقودهـا

مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي

بغيتك تسافـر يـم لنـدن شتـا ولا ربيـع
وشوفك ما تسلى من جبال(ن)تصيح اقرودها
ترا للي سواتك يطعم العلـم لابـده يطيـع
ليا جات درجتها تساوت علـى عبرودهـا

عـــــــــــــــبـــــــــــــد الـــــلـــــه الـــــــمـــــــســـــعــــــــــودي

له ايام والكبسول تقرع على جنبه قريع
يبا يستحل ابلاد صنعا بكثـر ازيودهـا
انا عارف(ن) السمن طيب ولا كنه يميع
يدين تغمس فيه بيسل فـوق ازنودهـا

مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي

يضيع العماء والي عيونه سليمه ما يضيع
ولا ينقل الي في نحرها نشب عبرودهـا
ونا ما جبرت الي تدرق ورا سد الوشيع
الف الجنازه في كفنهـا وارز الحودهـا

عـــــــــــــــبـــــــــــــد الـــــلـــــه الـــــــمـــــــســـــعــــــــــودي

من الي يدور للبن بعد شهر من الضريـع
وش الي يصيده بعد يوزي فمـه بديودهـا
ترا المقبره حمرا وغبرا وحلم الله وسيـع
عسى تشرب الشجره وتحيا ويخضر عودها

مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي

لوانك تغمض نص ساعه يسبعك السبيـع
وتخدمك ظباط السريه وكـل اجنودهـا
لكنك تعلمـت الكاعـه وسمـوك الكيـع
تبا الشيخ يقبل دعوت(ن) مالقيت اشهودها

عـــــــــــــــبـــــــــــــد الـــــلـــــه الـــــــمـــــــســـــعــــــــــودي

بعض قوم لا تصنع ولا تعترف بمر الصنيع
عرب غافله تقرع على القافله با شنودهـا
ولا يا معلـم خيرمانتـه متيـن ولا رفيـع
تباتبلـغ الخنقـه وتوبـه معـاد اتعودهـا