لأبن المسيلم يحن الطرق = وتهيض الأشعار لأمجاده
مزنٍ يقود الرعد والبرق = ويسيّل الروض كالعاده
شمال وإلا جنوب وشرق = وإلا سماء الغرب وأبعاده
مجده يلوح وخصيمه غرق = نارٍ من الطيب وقاده
عن المشايخ فعوله فرق = واله التواريخ شهاده
ياما ثنى دون شعل وزرق = وياما قدح مجد بزناده
حلحيل يوم المعايش درق = يفيد ما يطلب أفاده
جمايله ما خذاها سرق = من فعل يمناه وأعداده
على الأصاله مقر وعرق = وأمارته زود لزياده
تموت نفس المعادي حرق = على المواقيف يالساده
حقايق المجد ماهي قرق = من رأس هندي لهناده
على صداها تغني الورق = وتسبّل الجدّل الغاده
هنوف بدوٍ تمايل شرق = وتميّل الغرب بإراده
تاريخهم ماينوش خرق = وسيوفهم جرد وحداده
لـ ابن المسيلم عسفت الطرق = وهيضت الأشعار بأمجاده
بينه وبين المشايخ فرق = من فعل يمناه وأجداده