أنا : مواطن , ومن نجد العذيه = أزف إلك القصيد مْع التحيه
سلام الله , يانسل الأكارم = نسوقه , والولاء ميه بميه
تجود بْك المشاعر وأنت غالي = غلاً يبنى على : قدر وحميه
لنا الفخر ولنا روس المعالي = على ذكرك , يامحمود السجيه
يساقي حبك عروق المواطن = نحبك من شعور وصدق نيه
ياسلطان المكارم , يالمحنَك = يانهر الجود , يالكف النديه
عطاك الله مالم يذكرونه = سوى بك وأنت قد المقدريه
تجود ومن عطاك يجود غيرك = ولا تلحق عطاك إلا بزيه
دحرت الفقر وأغنيت اليتامى = من أطراف الشمال ليا الحويه
يخيلك كل ممحل وأنت غيثٍ = ليا من طاح فالأرض السنيه
تعَود لو سناها قرن كامل = بحول الله وبقوة وليَه
يعانق وردها نبت الخزامي = يصير القاع مثل المزهريه
بجودٍ منك وبمدة يمينك = يمين الخير والنفس الرضيه
ذكرتك وأنت فيض من المكارم = وعجّزت الحروف الأبجديه
وأنا شاعر وعيني للجزاله = لو اني عارفٍ حجم القضيه
فعذراٍ ياسليل المجد عذراً = بعد سقت القصيد مْع التحيه !

اقتباس من مشاركة عواض بن بهلان (المشاركة 233256) الله اااااااااااااااااااااااااااااااااااااااااااااااااا اااالله يا سلام عليك على هالطرق الهلالي الجميل وصح الله السانك ابداع ابداع ويستهل ولي العهد اكثر من كذي تحياتي والحترامي لك خاص