ألا يالله ياللي تحـت هيبـة سلطنتـك أسلمـت=لك المسلم يسبح لك بحمدك وإلـك الإسلامـي
أحمدك ؛ وأشكرك ؛ وأثني عليك بما علي أنعمت=وزدني في وفا بر العشير ووصـل الأرحامـي
ولهت الفجر ياليل الذهول اللي علـي أظلمـت=تعرضك واقع الذكرى عليـه عـرض الأفلامـي
وولهتك يالنديم اللي على صافي وفاك أضرمـت=بصفحة ذكريات العام واللي مـن ورى العامـي
بعد تقرير مشوار التجـارب نجحـك وأجزمـت=بأن السيف سيفي والعصـا والمحـزم حزامـي
أباهي ؛ لا أبالي ؛ وأتبيسـط كـل مـا قدمـت=أشـب النـار قـدام العـرب وأشيـد خيامـي
نهاري : حر شمسه ؛يستحي منها لسان الشمت=وليلي ترجم نجومه ملامـة كـل مـن لامـي
على ضو الكلام اللي كشف عنا ستار الصمـت=وعرفت إن به وجيه باليمن ووجيـه بالشامـي
أحسب إنك تيمم باتجاهـي ويـن مـا يممـت=أثر لا أنته ورايه بالطريـق ولا أنـت قدامـي
وكثر ماحن صدري للونيس وكثـر مادرهمـت=فجع صدري حنيني وأتعـب الأقـدام درهامـي
مصيبة لاتردت قيمتك فـي عيـن مـن قيمـت=يشوفك بالسهل وأنته تشوفه بالسمـا السامـي
مادام إن جانبي شام لجنابك وأنت عني شمـت=كثر خيرك ؛ وأنا لانيـب لاجايـع ولا ضامـي
أشوف إنه علي واجب؛إليـا مريتكـم سلمـت=مرور كرام تربطهـا الكرامـه عنـد الأكرامـي
على شان الخفوق اللي على عرشه قعدت وقمت=وحجب عنك الدجا لين اشرقت لك بيض الأيامي
مصير الوقت يشرح لك ظروفه لاغفلت ونمـت=يصحيك الزمان اللي يصحي كـل مـن نامـي
وتعرفني لمنها ضاعت أوهامـك بمـن وهمـت=وعرفت الفرق في حب الخشوم وحب الأقدامـي
ختام السالفة ياطيب العشـرة كرمـت ودمـت=هذا حقك علي وحق شرهاتـي علـى أوهامـي

اقتباس من مشاركة ناصر الشويلعي صح السانك يامرضي الداموك والسان الشاعر سعد ابن جدلان والله لايهينك على هذا النقل لكن اقول كم تزيدني على الطياره اباخذمنك الجيب ياخوي دوختني مع الجو صدق شاعر القريات يوم يقول (والله معود الركوبها ان نزلتنا) ههههههههههههههههه

اقتباس من مشاركة سعد الرشيدي وعليكم السلام ورحمة الله وبركاته هههههههههههههههه تسلم يمينك اخي مرضي الداموك على هذا الطرح الرائع اخوك سعد