سلام رديه لهـا وجـه وقبـل=عند الرجال اهل الوفا والمعرفه
الليلة المعنى على قمـة جبـل=يامن يشرف علمنا ونشرفـه

يامرحبا والذيب ياكاسب وصل=وللي وراك من الدعاوي طرفه
الليله المعنا كبر بطن الجمل=ماينتصرف لو نويت اتصرفه

فيك البقاء ياصاحبي قول وفعل=وبعطيك مامعيه وحرف اتحرفه
ياذيب خوذ العلم من عندي دبل=والظرف مختومن عليه مظرفه

الشك مامن شك لا كن احتمل=جور الزمن والعالم المتطرفه
وكان الجاهز اللي بجيبك ماتصل=تراه ماعرف وعرف اعرفه

مافيه شك انك رجل وابن رجل=والوقت هذا فيه ناس مخرفـه
جهاز ير سل مير برساله وصل=والاجهـزة ياكثرهـا ومعرفـه

ونته رجل وبن بطل مدري بطل=والذئب ماعاش بحياه امترفه
وللي يغرف البحر الاحمر منهبل=لوكان في عقله رجا مايغرفه

اخذ الكلام الي تقل طعم العسل=والذيب من فوقه طيور مرفرفه
يمكن خروف البدو يا لد له بغل=والله واعلم والليـال مزرفـه