المنتدى خالي وانـا ضـاق بالـي=من عيـن اللـي مـا قدرنـا فراقـه
أنا جنـوب وصاحبـي بالشمالـي=والمنتدى خط الرجاء والصداقه

المنتدى عامر وانـا زان حالـي=من يوم شفت الي طمر في رشاقه
كانك جنوبـي وابعدتـك اليالـي=المنتدى يشبك خطـوط العلاقـه

قعدت أحسّب وش بقا وش غدالي=من يوم شفت البيـت يلفـح رواقـه
سعر الذهب غالي وراعيـه غالـي=مـن عينـه واعطيـه تسعيـن نـاقـه

احسب ذنوبك ولا انا لي مجالي=ماطرد ورا مقفي وقطاع ساقـه
وزن الذهب ماهو بوزن الجبالي=هذاك صعب وذاك نعرف سياقه

بتال قام ايحاض صفـر الدلالـي=كـيـفٍ يصـبـه للنشـامـا شـفـاقـه
ساعه غروبي ..ثم ساعه زوالي=والرجل ناشب بين منورو طاقه

الصاحب اللي مد حمر الزوالـي=قلبه على درب المطانيـخ ساقـه
سجدت سهو تاجب ووضعه مثالي=يغسل بها ذنبـه ونعطيـه باقـه