لاوالله الا ضاقت الدنيا على وساع الصدور=اللي تضيق فجوج نجد ولاتضيق صدورها
جيت اتصيد مالقيت الصيد في وقت العبور=بالديره اللي كل يـوم نمرهـا ونزورهـا

وشلون تحكم والقضيه ما وصل فيها حضور=لاتصدر الحكم الخطا يبلشك بعض امورهـا
الصيد له صياد لاكن ما يصيـد الا النمـور=كانك تبا صيد الذيابـه فالجبـل والنمورهـا

الحكم لله والاوادم وقتهـا احـزان وسـرور=الله يبعد حزنها ويجيـب وقـت اسرورهـا
جيتك وانا صياد ماهر وانت ويش من الطيور=عساك مانت من الطيور المنحنـي دنقورهـا

امسك شعورك كان تقدر يابحر مسك الشعور=وام العيون العـور بشرهـا بنـادر عورهـا
عكف الدنا قير الجوار ح من فصايلها النسور=ولا ومـرك الله علـى المتحركـه ودورهـا

ماعاد هالايام نسمع بالبلـد دق النجـور=يومن بعض الناس مايسكت دنين نجورها
انا بحر وانت تعرف كل المخاطربالبحور=اغرق الضبان يابو ذيل وسط اجحورهـا

انته مسطل يابحر ولا من الو قت مخمور=نفسيتك يحتاج تعرضها علـى دكتورهـا
الضب ماله فالبحر عيشه ولا حولك نسور=الله قهرك وقفك علـى حـدود وطورهـا

ماني مسطل لكن انته مندفن وسط القبور=وشلون افهم لي جنازه مرمسه بقبورهـا
ماتدري ان البحر لامن هاج ماترده جسور=يظفي على كل البسيطه ويتعدى سورهـا

خليتها ماني وماني وانت خشمك خشـم كـور=لاتعلم الا الكوره اللـي مـا يلـن حنجورهـا
ان هجت ون ما هجت مالك لاحساب ولا نشور=تبقا الجزور اللي حذفها الله علـى جازورهـا

ياللي بغيت الاولـه عيـت ذلولـك لاتثـور=الناس راحت وانت راسك ناشب(ن)في كورها
وشلون ماتحسب حسابي ياعسى ماهي دبور=الشمس ماتقدر تغطي يابـو عكـره نورهـا

الاوله و الثانيه والثا لثه مسـك و عطـور=والرابعه والخا مسه شعـب بهـا بابورهـا
انا اشهد انك ياعميلـي بالمواقـف ماتبـور=لاكان نهج الشعر فتل ونقض حسب سطورها