بحر الـــــــــقصيد
 

اعزائي هذه القصيده

اعتقد ان الكل سمعها ولكنني اتشرف

عندما انزلها في منتدى بني عبس

ولعيونك ياياسر العرعري

ولكل اعضاء المنتدى





[POEM="font="Simplified Arabic,5,black,normal,normal" bkcolor="transparent" bkimage="images/backgrounds/39.gif" border="none,4,gray" type=2 line=0 align=center use=ex num="0,black""]قريتك يابحر لو إن حرفك ماعليه نقوط = كتابك وإنكشف سره وبيّن موضع نقوطـه
قريتك وأحسب إنك واعياً ماتقبل المغلوط = ولقيتك غير كلك والحقايق فيك مغلوطـه
تناوشني تبي ترجيحها يعلن نهاية شوط = ولكن حاضر بحاضر قبل ينتهي شوطـــه
تماديت وتعلابك رخيصاً يعتلي بهبوط = ورجلاً للمعزه شام حديته على هــبــوطـــه
تغّير بك وجيه المرجله ياعقدها المفروط = وصارت في يديك سباحها للذل مفروطه
تغّير لونها بين الرجوله والنساء مخلوط = على موضة يهود الغرب صرنا أجناس مخلوطه
بلهجتنا بضحكتنا النعومه مانبي المشحوط = نداري للعقول اللي تخاف أصوات مشحوطه
نسينا سلومنا ياشيخ وين الخيل والمربوط = تحرر وإترك عقول التقدم فيه مربوطه
وندهت لهابط سلومك غدت وأعطيتها المخطوط = وصية بالعلوم الطيبه للعز مخطوطه
يناظرني ووجهة باردً بالمهزله مبلوط = الا واعوذ بالله من وجيه بـ ذل مبلوطه
هنا مالك عليه حق لا مالك علي شروط = هنا وقّف وعهداً قد قطعته بأنقض شروطه
قريتك وأنت تعرفني فتلتك يالقصيد خيوط = طويل الوقت يبطي مانقض سلكً من خيوطه
دروب العز ترفعني سـمـا عن واطي الفطفوط = وسيفي بالشجاعه ماعطيته كف فطفوطه
شريت المرجله لوهي صعيبه نوط ينطح نوط = سنود العز ماهابه عنه ماردني نوطه
وسلم أهلي وجداني وربعي أسلكي يا خطوط = طريق المجد نمشي به حشا مانغير خطوطه
ولو إن أقشر بحر بّدل حروفه وحط نقوط =دروب العز دربي باالشرف لو حذّف نقوطه[/POEM]

صح لسانك ياشاعرنا ولا هنت وبيض الله وجهك

صح اللسانكـ يا حمد على هالقصيده الجزله

..


ألف شكر لك ياشاعرنا الرائع شاعر الجمهور / حمد بن هديرس الرشيدي

لله درك يا حمد

ستكون لي عوده قريبه على هذا النص الفاخر بكل ماتحمله الكلمه من معنى ،

الأن سأعاود قرأتها والأستمتاع بقراءة الشعر الحقيقي .."

..