ياقلب لاتشره ولتكثر عتاب= مدام فعل الطيب رمحه طعني
مدامها جتني من أحباب وأصحاب=مشره على المبعد لوأنه خذلني
واليانويت أجزم ولاتخاف لاتهاب= مدام ربي بالكرامه رفعني
ماني وأنا بن عليط للذل طلاب =عشت ابمعزه لو زماني عسرني
عن الطمانه عشت في راس مرقاب= رقيت عن ذل حياته تجني
ماعشتها حيله ولاعشت نصاب= أكبر من الحيلات عزن سكني
ضلعي قوي ماني من الوقت مرتاب= لوزاد حمل الوقت ماهز متني
أطيب لو من طبتله خاب ماطاب= ماعاد تفرق سب وإلا مدحني
كنت أحسب ان كل على الطيب كساب=ماكنت أحسب اللي زبني طعني
مديت له كفي وحليت ألانشاب= ووردته عدودن ضماها شربني
ذللت له بالدرب عسرات وإصعاب= اجزم لون دروب وقته عصني
مبان فيه الا الردى كثر الاتعاب= اجزل رداه اليوم مده غمرني
صدوق في وجهي ولقفيت كذاب= وافي على عيني وغفله نهبني
من دون حق ولا حقيقه ولاسباب= زيف علي المشكله وأتهمني
واللي حسبته عون كشر لي الناب= كبر وصدق كل ماقيل عني
علة زمن مضمونها أصحاب وأحباب= لوجنبت ماكان همي لزمني
طمنتها اللحيه ومن فوقها أشناب= بلش الزمن فيها وسلمي جبرني
واللي فعلته مايجي سطر بكتاب= ليت الكتاب اللي كتبني حفضني
لاشك فات الفوت ياقاري الداب= مات القريص ورد هالعلم عني

اقتباس من مشاركة راشد رباح (المشاركة 206611) قصيدة رايعه من شاعرا رايع تحياتى

اقتباس من مشاركة ياسر العرعري (المشاركة 206927) .. الله عليك ياحمد هذا القصيد الي ينومس راعيه .. جزلة كلمه قليله بحق هذي القصيده .. صح السانك يابن عليط ..وكفو والله ياشاعر الجمهور سجل أعجابي وتقديري وأتمنى منك كتابه قصيدتك الثانيه التي ألقيتها بشاعر الجمهور .! أخوك ..