لقينـاك يابـو ذيـل فـي ديـرة ٍغـيـر=تسحـب بذيلـك بيـن ذيـك الشطابـه
تـرى ديـرة ٍمهجـورة ٍمابـهـا خـيـر=وانا اعرفك ماتسكن بيوت الخرابه

مقادير واللي ورد عاف المصادير=ولا يصير فالموضوع شبه وغرابه
فتحت الكتاب ولالقيت التفاسيـر=وحيل الله اقوى في لقاه وحسابـه

يابو ذيل ماتنفعك كثر المعاذيـر=بعد جيت من عد ٍخليـن جنابـه
ترى كليب مات بغدر ياسالم الزير=علامك بعد موته تشن الحرابـه

قبلت العذر ولا عسا خير ياطير=ابوذيل علم اهل الردا مامشابه
سمعنا وقرينا قصته بالاساطير=ترا الشر قفل الخير لافك بابـه

تقوله بعد عودة مظمي من البيـر=ابو ذيل يشرب والبلاء في شرابه
تبى العلم لا تتعبك كثر المشاويـر=تريـح وريـح عنـد حضـرة جنابـه

ابوذيل مسلم مايذوق الخنازيـر=ولاصد عن نهج النبي والصحابه
ابا علم ثاني غير هالعلم مايصير=انا ماجهلت المحكمه والطلابـه

ابو ذيل يتقلـب وهوفـي زمهريـر=اليامات وسط النارسـوى اقتلابـه
تبى العلم خذ مني علوم وخوابير=ابو ذيل في جحـره رديـده زهابـه

ترى مسيلم الكذاب له عملتً غير=يحرف كتاب الله وبيـس الكتابـه
تفضل وخلك ضيف ابوذيل وصغير=ابوذيل يكرم ضيفه وذقـت مابـه