البارحة جاني مع الحلم طاريه =جاني زيارة في لذيذ المنامي

قال السلام وخير ما قيل نبديه =وانا علي ملزوم رد السلامي

فزيت من شانه وعيني تراعيه =وقلبي يوده عن جميع الانامي

وبيحت له سدي وانا كنت مخفيه =خوفن عليه من الحسد والملامي

ودار الحكي من بيننا والمشاريه =واصغيت في هرجه وحلو الكلامي

ليته لروحي باعذب الصوت يسقيه =صوته دواي وشوف خلي مرامي

ياللي ملكت من الحلا وانت راعيه =اخذت في زينك جميع الوسامي

ارفق بحالي يالغضي لا تخليه =امانة الله ياضبي العدامي

ثم قمت من نومي وراحت لياليه =واثريه طيفن مرني في منامي