ياسلامي سلام في محل الرجال=من هجوسن تلازمني في مشوارها
من يبا الملعبه يقرب ويرمي الحبال=والمعاني طيورن حــــــــان معبارها

مرحبا بالجزيل اللي يحب الجزال=عد ماحنت الناقه على حوارهـا
المعاني يانايف مثل كيف الدلال=وانت بهر لنا الدله من ابهارهـا

البقى يالمرحب فوق روس الجمال=عد ريش الطيور وعدي منقــــــارها
سامعي لي علوم مثل وصف الخيال=وانت ما ادري تصيد الصيد في دارها

انت مادري تشيل خفاف والا ثقـال=كل لحيه تقـدر حسـب مقدارهـا
عطني اللي سمعت وخذ مرد السوال=والتفت في يمين الـدار ويسارهـا

وسع الصدر خلك والمجابه نضال=لا توسس بك الدنيا في مزمارها
المزن لاحت بصدر الجنوب وشمال=وأستوت كفة الوسمه بمخطارها