السلام عليكم ورحمة الله وبركاته
اخواني الافاضل لقد قام المشرف سعد الشقل
بتنسيق المحاورة التي جرت بيني وبين الشاعر سلمان ابن عمار
وقمت بحذفها عن طريق الخطأ الغير مقصود وإليكم
إعادتها وأستبيح أخي سعد العذر لماقمت به من خطأ.
ابن عمار

تحية باسم عبس ورمزها عنتر ولد شداد=وعبس وعنترة رمز الأصالة والفروسية
أنا با جاهد الشعار مادام الحيـاة جهـاد=وأبا أحوَل على روس المجنن والحرامية

هلا يامرحبا بك والرجال الها ذكر واحفاد=اعرف انك يابن عمار عبسي وابن عبسية
ألا ياللي تجاهد جيت عند الفارس الجلاد=عليك الله واكبر طحت بين الداب والحيه

مسحتو كلمة الهجري وضعتوا كلمة الميلاد=وأنا أقول إن مابه فـرق لاهـذي ولاذيـه
الا يالفارس اللي قبل ماتصيد العرب تنصاد=على هالسالفه مابينـي وبينـك خصوميـه

عيونك يمنا تال الليالي وش بلاهـا حـداد=وانا خابرك تفرق بين حر الشمس والفيـه
ترا مانته بصايد فارس ٍ معروف راع شداد=ولابيني وبينك غيـر ليلـه نارهـا حيـه

أنا أقول المجال اللي كذا ماهو مجال عناد=ليا عاندت جبت أكبر مصيبة بالسعوديـة
أنا ماأصيد فارس حط نفسه داب يالأجواد=قبل لا تكتب البيت بثقة فكربـه شويـه

اليامنك عرفت العلم والصادر من الـوراد=وكبرة شوي نحسبلك احساب وتنطح الهيه
لاتحرف بالكلام الشعر اله شاعر واله نقاد=وهذا طبع فيكـم تاكلـون الحمـه انيـه

عساك تحصل اللي يحسب حسابك يابو عواد=ليا حصلـت لـو عقـب البطـا لـد النظـر فيـه
صحيح الشعـر لـه نقـاد وانتـه حـادرٍ لـك واد=وأنـا ماشـي علـى مقصـد ونيـه وأنتـه بنيـه