قبيلة بني رشيد - الا يامحمد الدلوم اذا جاك البحر رده ؟

هذي محاوره بيني وبين الشاعر محمد الدلوم

فـــواز الدواي

سلام الله على الدلوم اقوله وابدع الابيات
سلامن قاله الدواي مثل السيف في حده
تفضل وادخل الميدان والميدان له حزات
والا يامحمد الدلوم اذا جاك البحر رده

محمد الدلوم

هلا يامرحبا بأهل الكرم والجود والطولات
تراحيب الوفى تبقا ولو طالت بها المـده
تقدم واقبض الحسنات مانرضالك السيات
ولكن البحر لايختلف جزره علـى مـده

فواز الدواي

تحيزم للمعاني والمعاني كلها حيلات
ياليت قلت لاطار الجراد اشلون بتعده
تبا الحسنات ليه ياعساني من هل الخيرات
وبعض الناس ماوده بفعل الخير ماوده

محمد الدلوم

انا وياك يالدواي بالروحات والجيـات
وكلن وارثن طيبه وفعل الطيب من جده
ليا صار الك نيّه طيبه لهل الحسد نيات
وانا مالي دخل في واحدن بيّح لنا سده

فواز الدواي

ترى الطرقه طويله تتعب النزلات والطلعات
واقول الخير باللي مايحط ايده على خده

اعرف اهل الحسد يفسد حسدها لا قريت ايات

بخلي كل عينن ضيقه تنبت بها غده

محمد الدلوم

عسا ربي يوفقنا ونرفع بالسما الرايـات
على عز ومعزه كل طيـب للعـرب بـده
تبا تاتيك من كل النواحي والديّر فزعـات
وانا حالي ومالي تحت رايت عبس با حده

فواز الدواي

ابي تكثر بتالي الليل يالدلوم بالدعوات
وربك يفزع لعبده ليامن صارت الشده

اعرفك دايمن وافي ولكن للزمن ميلات
عسا من فصل ثيابه يفصلهن على قده

محمد الدلوم

على عدن غزير الجم تارد له هل الـردات
تبا تلقى الرجال اللي لها الطـالات مشتـده
على ماقلت اخذ مني يابو محمد سند واثبات
جميع اللي يبرهن وقفته مايرخـص ابمـده

فواز الدواي

مادام انك مع الحمله ابفخر وارفع العزوات
وراسي يا بسن مثل الاسد لخلاف مالده

الا ياروس ( صياد ) العريبه ياهل العادات
اذا صار الشعر ناعم بليا مشط بكده

محمد الدلوم

ليامنا وقفنا صف واحد نحكم الوقفات
ليا جبنا الخبر ود الخبر ياصاحبي وده
نمد الك اليدين الطيبه ماهي بود وهات
على هداج ميرادك ولا تطري لنا الرده

دمتو بحفظ الرحمن