قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   لي هيبة صقورن جريحات / (http://ban3abs.com/aa/showthread.php?t=20654)

فواز الدواي 14-10-2007 10:11 PM

لي هيبة صقورن جريحات /
 
السلام عليكم هذه قصيده من اوراقي القديمه

اتمنى ان تنال اعجابكم








اثري الحياة دروس ويا امتحانـات
وعزي لمن يدرس ويترك دروسـه
فيهن حصص حق العقول الفهيمات
حصص تفيد العقل يومـن تقوسـه
تجارب وفهـم وفراسـه وخبـرات
ونفسن على مر الليالـي مروسـه
تجريب شاعر له بالايـام نظـرات
يشوف ويكتبها بيـوت محبوسـه
ياما مشيت دروب فيهـا متاهـات
وكم راس حيه في رجولي ادوسـه
وياما مشيت دروب فيها سهـالات
يسرح بها الرايق ويرخي هجوسـه
وياما مشيت وشفت خوه وعشرات
شفت الاسد والذيـب والعيطموسـه
درست شخصيات واجـد كثيـرات
نعمه من الله رب يوسف و موسـه
مرت على وجيه سفـره وسمحـات
شفت الوجيه الضاحكه والعبوسـه
وجربت من ينطق كلامـه تحيـات
لو هو اقريب دم نجسـن وسوسـه
لاكثـر مالـك طلعولـك دعايـات
خلوك رجالـن تخطـب العروسـه
ولا قل مالك ماأنت راعي مـروات
وكلن يشقك شق في حـد موسـه
ياأيـام عمـري مابغيـت الملـذات
ولا همني منهـو كثيـره فلوسـه
انا ولد ناسـن تعسـف الاصيـلات
يوم الليالي بين دوسـه وحوسـه
خوينـا دايـم بـروس الطويـلات
يشهد هوى الخوه ليا هـب كوسـه
لاماأترجـى والترجـي اهـانـات
ولاعاش منهو بذل راسـه ابوسـه
لي هيبة صقورن حرارن جريحـات
في داخلي عاشة وفـي مغروسـه
وبي عزتن تزداد وقـت المعانات
تزداد لو نفسـي بنـار محموسـه
(ولي كلمتن)مثل السيوف الشطيرات
من راسي اخذهـا بعلـم مغموسـه
وفيني عناد ان شفت روسن عنيدات
وفيني عقل حق العقول الهموسـه



وسلامتكم

بنت العبسي 14-10-2007 10:33 PM

صح لساااااانك

قصيدة رائعة الله يحميك

فواز الدواي 14-10-2007 11:08 PM

ومن يقول صح بدنج

تسلمين على المرور

معيوف ابن زهيميل 14-10-2007 11:42 PM

نعمه من الله رب يوسف و موسـه
صح لسانك يا راعي العوجا

سعد الشقل 14-10-2007 11:56 PM

صح اللسانكـ على القصيده الجميله

فواز الدواي 15-10-2007 12:09 AM

الشاعر معيوف بن زهيميل

لاهنت على المرور

بارك الله فيك نورت الصفحه

فواز الدواي 27-02-2008 03:26 AM

صح بدنك اخوي سعد الشقل

لاهنت على المرور الكريم


الساعة الآن +4: 01:24 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص