لاتسبق العذرعيـن الحلـم مغتـرّه
ياهاجسي لو يكون الحرف مايوفـي
إكسر قياد القلـم بافكـارك الحـره
على لهيب المشاعر ذابت حروفـي
(آسف) جنيناه صحراء غيث مقفـرّه
من دونها الحل والترحال موقوفـي
يموج بحرالهجـوس ويرتعـد بـرّه
لوّ إن هذاك ضيف وذاك مضيوفـي
طلبت خيره وقلّطنـي علـى شـره
نسي مع الوقت ياكم سقت معروفـي
الصوت أنا والصدى اللي يتبع الجره
كثير!لكـن خـل الحمـل لكتوفـي
أذكرك وانساك وأتذكـرْك وأتشـرّه
على الهوى والدوى للجرح موصوفي
دولاب الايـام لـه ياسيّـدي فـرَّه
ماكل الأحلام سرج وخيل معسوفـي
لو دمعة الحزن حسّت بالفرح مَـرّه
يبقى العمر منعزل في منتجع خوفي
وتبقى الحقيقه على شفاه الزمن مُرَّه
أمرّ من وقتي المشحـون بظروفـي
ياساري اللي خذ للي سـرى جٌـرّه
من حذوْة النار قبل تحـرّق كفوفـي
وإن تاهت السالفه في هيكل الـذره
ياهاجس الحرف عمر الحرف مايوفي


منقـــــــــــــــــــــول