عن ماحصل في جلسة الشيخ غنيت= ورهيت في جزل القصيد وكتبته
فوق الورق عن ماجرحني وخفيت= جرحه وانا لو جيت أبرميه صبته
اوحيت ماقاله ولا كني اوحيت= خوف (ن) على اللي باخر اسمي ندبته
لجله عن الشيخ الخطايا تلافيت= رفعت قدره والخطا ماحسبته
رفعت دقدر الشيخ لجله ولاخطيت= رد اعتباري عن خطاه اجتنبته
كم زلت (ن) عنها دمحت وتغاضيت= شيمه وضنه يحسب الشيخ هبته
غرور نفسه بانين وسطها بيت= خلا زلاله يختلط مع أغربته
والله يالولا بعض ماقلت وطريت= عن كل غلطه من السانه سحبته
ولوهو مشطر ما لك الله توانيت= ثنيت له حبل الخصام وكربته
ماحترت في رد الكلام او تخليت= اعلمه ونطال شرحه ضربته
وليا نفخ من فوق خده توطيت = ونزلت رجلي فوق علبا رقبته
من بان لي بشر ماعنه صديت= جيته بدافع قوتي ماأحتسبته
جيته وراسي رافعه ماتتقيت= اما غلبني فعل ولا غلبته
ومن طابلي زدة من الطيب ووفيت= طيب(ن) ربيعه يحضن زهور نبته
طيب (ن) من اسلاف(ن) لهم بالفخر صيت= ورثه وانا نفسي كذالك طلبته
يابن حميد اسمك حمد وانا فيه ناديت= ومن فوق هامات القصيده نصبته
بالطيب يامن للمعالي تعليت= وبذلت جهد(ن) للفخر وكتسبته
الراي عن مسلفت بذكر وبديت= هوهل في دمحي اخطا الشيخ ذنب أرتكبته