كان الثقل يعطيك ميزه عن الناس = خلك ثقيل وباقي الهرج صكة
ياصاحبي ما انتة خشيري بالاحساس =خلك بعيد وما حصل منك فكة
ماني خويلك على العين والراس =خلك بدربك لا بدت فيك شكة
انا ادري انك من خطياك من داس= ضايع مع الايام في كل سكة
رفعتلك صوتي بلا حد وقياس= والي بقى عندك من الطيب دكة
كلن لة اعلوم وسواليف بقياس=وانته علومك ما تحججك مكة
هرجك كثير ولا طلع فية نوماس=بابك ليا جاك المسير تصكة
كذوب هلاشن على كل الاحساس= مثل الجرب في كل عودن تحكه

لشاعر سعدون الاسود الرشيدي