قبيلة بني رشيد - اليوم فرحي ينولد في وفاتك

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - اليوم فرحي ينولد في وفاتك (http://ban3abs.com/aa/showthread.php?t=18790)

اليوم فرحي ينولد في وفاتك

اليوم فرحي ينولد في وفاتك

أول اقول الموت فيني ولا فيك

واليوم جعل الموت ياخـذ حياتـك

دامك تبيع إنسان بالكون شاريـك

موتك ولا توهـم لغيـري صفاتـك

فيني مشاعر كل ماأنساك تطريـك

تلعن وفاهـا يـوم لاقـت رداتـك

وقف دقايق وأذكر اللـي يواسيـك

جفف دموعك قبل تاصـل شفاتـك

تذكر تجيني تبكي الظلـم وأبكيـك

وأشيل جرحك " أجبرتنـي غلاتـك "

وإن غبت عني كل مابـي يناديـك

حطمت حلمي ورحت ألبي أمنياتـك

أدري الجمال وسود الأهداب كاسيك

لكن حسافه .. عكس وصفك خفاتك

ياما رجيتك ودمع عينـي يحاكيـك

طاوعت نفسك وكلمتي اليوم جاتك

ماأبيك أنـا بدنيـاي والله ماأبيـك

رح ياعساك بجرح ينزف شقاتـك

وأول أقول الموت فينـي ولافيـك

واليوم فرحي " ينولد في وفاتـك "