بعد طول الغياب وبعد طول المسيره=ياسلامي على الشعار واهل الصحافه
يالجحش كيف تطبخ قمحتين وشعيره=اشهدن العقول اليوم فيهـا سخافـه

بعد طول الغياب إلعب بعرف وبصيره=مرحبا والطريق الي معه عين شافه
طبخة القمحتين شويّ ماهي كثيـره=والعقول السخيفه ماتجيـد الطرافـه

ااعرف اني بدعت الدرب مافيه غيره=البقـا قالهـا بتـال بعـد الضيافـه
لا تعزويت لي في نجد عزوه خطيره=وانت مابك قصور ورحت منا حسافه

عطني علومك الي جبت من كل ديره=كان مامن غموض وكان مامن كلا فه
راح وقت الخناجر والسيوف الشطيره=وبتدى عصربرمجت السلاح بحرافـه

ياحليل الجيوش وياحليل العشيـره=اثر هذي عوايد ربعكـم بالصافـه
هيه يالصايم اللي مفطرن لك فطيره=كب عنك الفطيره هاك زبد وكنافـه

بان علمك عسى في تالي الامر خيره=آه ياطولها ياصاحبي مـن مسافـه
كل جودٍ من الماجود شـره وخيـره=ومدة الرجل للرجال رمـز اكتشافـه

اوالله اني عقيد ولي مكانه شهيره=لاكن اني لبست الثوب جيت بلطافه
جيتك وشفتك اللي تايه وفيه حيره=لاتدوج فروضن ممحل (شعيل) عافه

ياعقيد إقرب إقرب والعميد استشيره=لايردّك كما كنت بعريـن العرافـه
ليزر الطب سايد بالليـال الاخيـره=كل عضوٍ يحدد قوتـه والضعافـه

الحبوب اتدقدق والرحا مستديـره=عزوتي كتفو الملقوف راع القافـه
طبلوله وانا قلت الولد فيه غيـره=واثر راع العلوم يجيب علم الخرافه

عزوتي عبس عز الاسلحه والذخيره=قوّةٍ ضاربه عبر الزمن وختلافـه
اترفع عن اصحاب النفوس الحقيره=والحقير الترفع يحسبنـه ماخافـه