سلام ردية وفاء مثل الذهب فوق الحرير=لصحابنا اللي ماتشين وجيهها باصحابها
ابا الجحش في كلمةٍ يصحالها الطفل الغرير=أما فتحلي بابها وألا قفلي بابها

يامرحبا ترحيبة ٍ تارد علـى الجـم الغزيـر=بين السباع اللي على الوحشي تحد انيابهـا
الجحش شفنا جرته قبل أمس في واد الجرير=بالديره اللي وحشها ينغـط عليـه غرابهـا

ابك البقاء يالذيب الاشهب لو ماودي بك قصير=من خافله من علةٍ مثلي قبل يبلابها
أثرك على قص الأثر ياصاحبي شوفك طرير=بالديره اللي تختلط جعرانها وكلابها

الله يسامح زلتك ياراعي الوجه السفير=ترى الذيابه مثلنا لازم تحسب احسابها
انته معلمني على قص الاثر لانك خبير=اثر السباع الضاريه تفتل بروس اذنابها

ياالله عسى بالأمر ياذيب الخلا ..خيره وخير=كان الذيابه كلها مثلك يعاف ترابها
أنا ماعلم ذيب باقصى الجحر غادله صرير=خل الظلايم جعلها في حض من يسعابها

خيره لكم والخير إلي والسيف في وسط الجفير=ترى سيوف الهند يوجع ضربهـا ومضرابهـا
عينك تدير وقلبك الليلـه غـدا مثـل الغديـر=نضرب لك الامثال لـن النـار مـن شبابهـا

ياالله دخيلك من جليس السؤ .في بئس المصير=حتى سيوف الهند يمدحها لنا من جابها
ياليتني ياذيب طير أليا بغيت اطير أطير=عن بعض خلق الله وعيني تهتني باحبابها