قبيلة بني رشيد - ساير زمانك كان لك قـلب وضلوع

للشاعر المعروف رشيد الزلامي

البارحة والناس غافين وهجوع

جتني هجوسي وردا سارياتي

والليل طال وخط الارسال مقطوع

ياليل يا طولك متى الصبح ياتي

قزرن ساعاتك على ثومه الكوع

ما لي نديم إلا الثلاث المرقباتي

صفر الدلال اللي بها الهيل مشموع

باشكال وارناق معه لا يقاي

واصبحت من كثر الهواجيس مفجوع

وأفكار قلبي شردا سارحاتي

يا سائلاً تسال ترى الصوت مسموع

وما نشر بالصفحة قريته بذاتي

سويت لي مشروع من غير مشروع

والزمتني بالرد دون اشهواتي

أكيد عندك يا فتى الجود موضوع

والا مسوي بك زمانك سواتي

مسقيك من علقات الأيام قرطوع

وتسمع صراعي فيه ومغامراتي

فان كان هذا الأمر بالشكل والنوع

خل الأمر لمكون الكايناتي

ساير زمانك كان لك قلب وضلوع

وارج الفرج بايامك المقبلاتي

وان كان ما طاعتك خلك لها طوع

ما انته بضاربها برمح الزناتي

أما سؤالك ما جوابه بممنوع

ولو للحياة أسرارها الخافياتي

اجاوبك لو ما معي منك منفوع

تحب تعرف كيف قصة حياتي

حياة ذيب عايش الفقر والجوع

ليله يبات وليلة ما يباتي

أعيش عيشة ذيب والراس مرفوع

وان قل مالي عز نفسي غناتي