قبيلة بني رشيد - صباح اللي تبينه يا ( ابله منيرة )

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - صباح اللي تبينه يا ( ابله منيرة ) (http://ban3abs.com/aa/showthread.php?t=1816)

صباح اللي تبينه يا ( ابله منيرة )

صباح ايه! صباح اللي تبينه يا (ابله منيـره)=صباح الليل والا الويـل والا الحالـة القشـرا
صباح الهم والاحـزان والاشـواق والغيـره=صباح الضغط والسكـر وداء الذيبـه الحمـرا
صباح السبت والتحضير والارهاق والحيـره=صباح الزفت والطابور وهاك المشرفة القشـرا
صباح الاسئلة وامتحان(ن) صعـب تدبيـره=ووجه الحارس اللي عند باب المدرسة بـراااا
صباح الانتظار المر وكـل تاخيـره بخيـره=وليل ماسرا يم الصباح ولا معـه قمـراااااااااا
صباح الانكسار وخاطـر مـا مـل تجبيـره=وجرح ما نزف بين الضلوع ولا نـوى يبـراا
صباح الذنب لا منـه تاخـر وقـت تبريـره=صباح محمد الدره ودمعة طفلـة (ن) عـذراا
صباح الخوف والجلاد واللي صعب تحريـره=صباح اللات والعزى ومناة الثالثـة الاخـرى
صباح اكبر ضحايا الصمت بالتاريخ والسيره=صباح اغبى(....)اللي تخاف من العرى تعـرا
صباح المهزلة..! هذا الصباح والف تسعيـره=صباح اسكت مهو شغلك رجالات الزمن ادرى
صباح الحلم لامنـه تحقـق عكـس تفسيـره=لشاعر ماكتب غير الجهل من كثر ما يقـراااا
على اية حال ابكتب لك صباح ما انكتب غيره=الين الشعر من ذمـة حروفـي ذمتـه تبـراااا
فداك الشعر ..لكني كسرت عنـاد تصخيـره=عسفت رضـاه مـن عـام...............1410
كتبته من زمان اقرا بنـور الغـار تفسيـره=الين اخر علامات انتظار الساعـه الصغـرى
سجنته بين قوسين(الجمـال وفـن تعبيـره)=وسلمني يدين امـس ومفاتيـح لقفـل بكـراااا
طلع نور الصباح اللي يليـق بابلـه منيـره=تباين من ورا صفحـة ظـلام الثانيـه عشـرا
صباح الرسم باحساس الكلام ورمز تصويره=وشعر دندنته حروف ريشة عـازف الاوبـرا
صباح الغيم مع صبح الربوع وضحكة مديره=وفصل يشرح صدور البنـات وحصـة عفـرا
صباح كفوفك ليا فلسلفت بالغنـج دووويـره=ودبلة ماشي لونهـا مـع الطبشـوره الصفـرا
صباح التوت ابو مصاص والسنتوب والبيـره=صباح التين والتفاح وطعم الفستقـه الخضـرا
صباح النور والمجرور والمسحوب يامنيـره=صباح احلى صباح مدرسة جغرافيـا سمـرااا

0
0
خــــالــــد الــــــــردادي