قبيلة بني رشيد - خلاص الحزن ما ينفع .. تبادلنا الهـوى تمثيـلٍ@خسارة صرت أنا أحبك . و انت اللي تجاريني

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

خلاص الحزن ما ينفع .. تبادلنا الهـوى تمثيـلٍ@خسارة صرت أنا أحبك . و انت اللي تجاريني


	أنا اللي قلت في نفسي .. احبك.. وابتدى التمثيــــل بديت اكذب على نفسي .. و اقول انك نظر عينــي خطاك انك تصدقني .. تبادلني الهـوى و تميــــــــــل صدقت بكل اشواقك .. وكاذب كـل مـا فينـــــــــــي خدعني واهم إحساسي .. بلا غايـة ولا تحليــــــل ظلمتك يوم جاريته .. أجامل .. و انت تعطينـــــي لقيتك غارق بحبـي .. ولا لـي للأمـر تبديـــــــــــــل حرام أحطم احـلامٍ .. بناهـا الحـب .. بيدينــــــــــي وسايرتك ..على كيفك .. لقيت القلب حبّك حيــــل وفجأة صرت لي نبضي .. سكنت أقصى عناوينــي ولا فكّرت في جرحك .. ولا ودي تذوق الويــــــل ولا حبيـت نتفـارق .. وعينـك يـوم تبكينــــــــــــــي ولكن بانـت الكذبـة .. وعـزّم قلبـي التعديـــــــــــل تنبّه بعـد مـا فـات الأوان .. ومـرّت سنينـــــــــــي علينا دارت اللعبة .. مثـل دورة نهـار و ليـــــــل تحب وكنت انا لاهي .. عشقتك و انت جافينــي خلاص الحزن ما ينفع .. تبادلنا الهـوى تمثيــل خسارة صرت أنا أحبك .. و انت اللي تجارينـــي