السلام عليكم ورحمة الله وبركاته

اخواني مشرفي واعضاء هذا الصرح الكبير اقدم بين ايديكم هذه القصيده واللتي ارجوا ان تنال على رضاكم واعجابكم....

زان القصيد وزان وقت الكتابه=في ليلة ضو القمر صار ضوي
بأرض خلا مافيه غير الذيابه=اسمع صداها يوم قامت تعوي
أشوف وقتي قام يكثر ضبابه=توي على شوف البهاذيل توي
فكري غدا يالربع يفقد صوابه=من كبر همي صرت مدري شسوي
أشوف كلن قام يجمع زهابه=وأنا غزاني الصبح وأقول توي
عندي هموم الوقت صارت تشابه=شفت النكد والدرب صار متلوي
مدري أشوف المي والا سرابه=يالله دخيلك بالزمن وش أسوي
وسط البلد واسير كني بغابه=لا الوقت صافلي والا الجو جوي
لا شوف لا صاحب ولابه قرابه=جار الزمن والقلب صار متكوي
تقفي سحابه وأتحرى سحابه= يالله بجاهك لا تنزل علوي

اقتباس من مشاركة عاشق المستحيل (المشاركة 147468) انا رجال اشهد بهالقصيدة انك شاعر وصح لسانك بس انتبة تراي صرت من جمهورك حاول انك ما تخسرني زين لاتنسى ههههههههههههه تقبل تقديري

وانت سالم يالغالي

ومرورك شرف لي تكفيني اشادتك طال عمرك وتعطيرك لصفحتي

والرجال اللي مثلك ماتنخسر لا هنت وبيض الله وجهك..

اقتباس من مشاركة بنت العبسي (المشاركة 147507) ًصح لسانك اخوي المرزوقي ماشااء الله عليك والله قصيدة راائعة n200678

وانتي سالمه اختي بنت العبسي

اروع من القصيده مرورك الرائع وتعطيرك لصفحتي واشادتك فخر لي لاهنتي .....n200678 n200678

اقتباس من مشاركة بن عجوين (المشاركة 147527) صح لسانك يا ابن عمّي وانا اذكر انك كنت في شعيب وما ادري الا انت في المدينه اخوي انت شاعر يا ابو حمود ما فيه كلام بس لازم المعني اولازم يكون للقصيده منهاج وانتبه من استخدام المفرده لا تلزمك القافيّه تقبّل مروري 4774bani-3abs

مشكوووووور على مرورك ومتابعتك ياولد العم ولا هنت على النصايح

اما بالنسبه لشعيب والمدينه هذا يعبر عن الوحده اللي اعيشها احس اني بروحي ماحولي احد من الناس مع اني اسير بمدينه والمدينه مافيه امل تخلى من الناس ماهو شرط اني تحركت من مكاني الاول وصرت بوسط المدينه تقبل تقديري....